Корхона ўз ошхонасида овқатланишни ташкил қилганда ҚҚС
Корхонамиз текстиль комбинати – 3 сменада ишлайди. Корхона ҳудудида ошхона ташкил этилган. Уч маҳал овқат берилади. Биз корхона ошхонаси озиқ-овқат сарфларини ходимлар ошхонадан фойдаланганига қараб, уларнинг ойлик иш ҳақи устига қўшамиз ва худди шу суммани ушлаб қоламиз. Шу билан бирга ҳисобланган суммага жисмоний шахлар даромад солиғини ҳам ушлаб қоламиз. Ошхона сарфи харажатга олиниб, ойлик иш ҳақидан ушланган сумма билан ёпилади. Сотиб олинган маҳсулотларда ҚҚС бўлса, улар зачётга олиняпти. Солиқ текшируви жараёнида бизга ошхона сарфи ҚҚС бўйича айланмага киргани учун, у сарфларни реализация каби расмийлаштириш лозим дейишяпти.
Ишчиларнинг корхонада овқатланиши бўйича ҳисоб қандай олиб борилади? Ошхона сарфи реализация сифатида киритилиши ва ҚҚС ҳисобланиши керакми? Ошхона учун сотиб олинган маҳсулотлар бўйича ҚҚС ҳисобга олиниши керакми?