Божхона ҳудудида қайта ишлашнинг иқтисодий афзалликлари

Сўнгги йилларда божхона амалиётига экспорт қилувчиларга қулай шарт-шароитларни яратувчи бир қатор муҳим янгиликлар киритилди. Булар ташқи савдо географиясининг кенгайишига ва экспорт ҳажмининг оширилишига хизмат қилади. Ўтган йил охирида бўлиб ўтган давлатимиз раҳбарининг «Электротехника саноатида ишлаб чиқаришни янада қўллаб-қувватлаш, корхоналарнинг экспорт салоҳиятини ошириш масалалари»га бағишланган кенгайтирилган йиғилишида электротехника маҳсулотларининг экспорт ҳажмини 2024 йилда 1,5 млрд долларгача ва 2025 йилга келиб 2 млрд долларгача етказиш вазифаси қўйилди. Ҳозирги пайтда ушбу соҳадаги корхоналар ва бошқа хўжалик юритувчи субъектлар томонидан экспорт қилиш жараёнини янада жадаллаштириш мақсадида «Божхона ҳудудида қайта ишлаш» божхона режимидан кенг фойдаланишга доир чора-тадбирлар кўрилмоқда.