Нотариф чора-тадбирлар ва божхона тартиб-таомиллари: муаммо ва ечимлар

Июль ойининг охирида Божхона брокерлари уюшмаси Божхона қўмитаси ҳамкорлигида «Нотариф чора-тадбирлар ва божхона тартиб-таомиллари: муаммо ва ечимлар» мавзусида давра суҳбати шаклидаги навбатдаги йиғилишни ўтказган эди. Унда Уюшма аъзолари, бизнес ҳамжамияти ва давлат органлари (Инвестициялар ва ташқи савдо вазирлиги, Ўзбекистон техник тартибга солиш агентлиги, Ўзбекэкспертиза) вакиллари иштирок этдилар. Анъанага айланган тадбирлар гибрид режимида нафақат бевосита, балки масофадан туриб иштирок этиш имконияти билан ўтказилди, шу туфайли унда ҳудудий бизнес вакиллари, давлат органларининг вилоят бўлинмалари, Марказий Осиё божхона брокерлари бирлашмаларининг вакиллари иштирок этишга муваффақ бўлдилар.