Мавсумий фойдаланиладиган асосий воситаларга амортизация ҳисоблаш
Корхона фаолияти кўнгилочар боғ бўлиб, ҚҚС ва фойда солиғи тўловчиси. Боғ мавсуми январь ойи ва май–сентябрь ойларига тўғри келганлиги сабабли корхона ўз фаолиятини мавсумий тарзда амалга оширади. Вазирлар Маҳкамасининг 5.02.1999 йилдаги 54-қарори билан тасдиқланган Низомнинг 1-бандида маҳсулот (ишлар, хизматлар)нинг ишлаб чиқариш таннархини ҳосил қилувчи харажатлар таркибига асосий фондлар ва ишлаб чиқариш аҳамиятига эга бўлган номоддий активлар амортизацияси киритилади дейилган. Корхона фаолияти мавсумий бўлганлиги учун аттракционларга ҳисобланадиган амортизация харажатлари ҳам мавсумий тарзда ҳисобланади ҳамда жамият ҳисоб сиёсатида асосий воситанинг амортизация қиймати мавсумий ва номавсумий даврга бўлинган ҳолда тенг маромли (тўғри чизиқли) усулда ҳисобланиши белгилаб ўтилган. Номавсумий даврдаги амортизация харажатлари давр харажатларига олиб борилади, чунки уларни хизматлар таннархига олиб борилса, хизматлар таннархи ошиб кетади.
Корхонанинг мавсумий амортизация харажатларини хизматлар таннархига, номавсумий амортизация харажатларини давр харажатларига ўтказилиши корхона ҳисоб сиёсатида белгиланса, бухгалтерия ҳисобида айни шундай акс эттириш мумкинми?