Ўзбекистонга шахсий автомобилда муаммоларсиз келиш

Ҳозирги кунда мамлакатимизга кўп чет эллик меҳмон ва сайёҳлар ташриф буюрган. Айримлари Ўзбекистонга ўз автомобилларида келиб, бир муддат шу ерда қолишга қарор қилишган. Шу муносабат билан таҳририятимиз манзилига улардан ўзларининг шахсий автомобилларига доир саволлар келиб тушмоқда. Туризм, релокация ва бошқа соҳаларга ихтисослашган ўзбекистонлик айрим Телеграм-канал блогерлари ҳам бу саволларга жавоб берилишини сўраб мурожаат қилишди.