БКни йўлакларни тозалашга қандай мажбурласа бўлади?

Бошқарувчи компанияни тарғиб қилиш чоғида уйнинг умумий мол-мулкига хизмат кўрсатиш УМШга қараганда яхшироқ бўлади, деб бизни ишонтиришган эди. Шу жумладан йўлакларни тозалашни ваъда қилишганди. Биз БКга ўтдик, бироқ йўлаклар ширкат пайтида қандай бўлса, бошқарувчи компания пайтида ҳам шундай ҳолатда тозаланмай қолмоқда. Ҳозирча қолганлари ҳақида гапиришга ҳали эрта, буни вақт кўрсатади. Қўшнилар вақти-вақти билан ўзлари тозаламоқдалар, бироқ мунтазам равишда низолар келиб чиқмоқда: биттаси бунга рози бўлса, бошқаси рози бўлмайди. Ташқаридан одам ёллашга ҳаракат қилдик – бу ҳам самара бермади. Кимдир тозалаш учун пул тўлайди, бошқаси шуни ҳам беришдан бош тортади. Биз қўшниларни кўндиришдан ва улар билан баҳслашишдан чарчадик. Йўлаклар озода бўлишини ва мунтазам тозалаб турилишини хоҳлаймиз. БК раҳбариятига мурожаат қилдик, лекин бизга компания томонидан бундай хизмат кўрсатилиши назарда тутилмаган деб жавоб беришди. Нега шундай? Бир нарсани ваъда қилишади-ю, кейин эса бундан тониб туришади. Биз БКдан йўлакларни тозалашни талаб қилишимиз мумкинми?