Божхона тартиботлари: қонунчиликдаги янгиликлар

Божхона брокерлари уюшмаси томонидан ўтган йил охирида қонунчилик ва амалиётдаги асосий ўзгаришлар, жорий йилги янгиликларга бағишланган семинар ўтказилди. Гибрид форматда ташкил этилган тадбир Германия халқаро ҳамкорлик жамиятининг (GIZ TFCA) «Марказий Осиёда савдо тартиб-таомилларини соддалаштириш» лойиҳаси кўмагида ҳамда Давлат божхона қўмитасининг фаол иштирокида ўтказилди. Семинарда ББУ аъзолари – божхона брокерлари, ТИФ соҳасида хизматлар кўрсатувчи компаниялар, фирма раҳбарлари, божхона расмийлаштируви бўйича мутахассислар, шу жумладан Андижон, Бухоро, Самарқанд ва Фарғона вилоятлари, Қорақалпоқистон Республикаси вакиллари онлайн-режимда иштирок этдилар.