Зарарни қоплаш тўғрисидаги даъво аризаси
Мажбурий ижро бюроси (МИБ) корхонанинг ҳисобрақамидан ноқонуний тарзда пул маблағларини ечиб олди ва ДСИга ўтказди. Маъмурий суд томонидан корхонанинг аризасига кўра Бюро ҳаракатлари ноқонуний деб эътироф этилди ва МИБ пул маблағларини корхонага қайтариш мажбуриятини юкловчи қарор чиқарилди. Бюро маъмурий суд қарорини бажармади. Корхонанинг аризасига кўра маъмурий суд томонидан бу ҳолат МИБнинг ҳаракатсизлиги деб эътироф этилди. Бироқ бундан кейин ҳам Бюро томонидан суднинг ҳал қилув қарори ижро этилмади. Республика МИБга мурожаат ҳам ижобий натижа бермади.
Маъмурий суднинг МИБга пул маблағларини корхонанинг ҳисобрақамига қайтариш мажбурияти юклатилгани тўғрисидаги ҳал қилув қарори мавжуд бўлган тақдирда, иқтисодий судга МИБдан пул маблағларини ундириш бўйича даъво аризасини тақдим этиш мумкинми?