Қайта ишлашга топширишда акциз солиғи
Корхонамиз бензинни улгуржи реализация қилиш билан шуғулланади, нефть маҳсулотини бошқа маркадаги нефть маҳсулотига (акциз тўланадиган товарга) қайта ишлаш учун завод билан шартнома тузган.
СКнинг 284-моддаси 4-бандида айтилишича, акциз тўланадиган товарларни қайтариш шарти билан қайта ишлаш учун топшириш, шунингдек қайтариш шарти билан берилган хом ашё ва материалларни қайта ишлаш маҳсули бўлган, шунингдек акциз тўланадиган шундай хом ашё ва материалларнинг маҳсули бўлган, акциз тўланадиган товарларни қайтариш шарти билан берилган хом ашё ва материалларнинг мулкдорига ишлаб чиқарувчи томонидан топшириш акциз солиғи солинадиган объект ҳисобланади.
Биз нефть маҳсулотини қайта ишлашга топширишда акциз солиғини тўлаймизми, қайта ишлангандан сўнг маҳсулот қайтарилганда эса акциз солиғи қайта ишловчи томонидан тўланадими? Бу ҳисобварақ-фактураларда қандай акс эттирилади: қайта ишловчи корхона бизга хизматлар учун ҳисобварақ-фактурани ёзиб бериб, акциз солиғини алоҳида сатрда кўрсатадими?