2022 йилда россияликларнинг пенсиялари пенсионернинг яшаш минимумининг ўсиши индексига мувофиқ индексация қилинади.
Ҳозирги пайтда мамлакатда пенсионернинг яшаш минимуми ўртача 10 022 рублни ташкил этади. Кейинги йилда у 10 277 рублгача оширилади. Шу муносабат билан суғурта пенсиялари 2022 йил 1 январдан 5,9%га, ижтимоий пенсиялар ва давлат пенсия таъминоти бўйича пенсиялар 2022 йил 1 апрелдан 7,7%га оширилади.
Шу тариқа, ошишни ҳисобга олган ҳолда ишламайдиган пенсионернинг пенсиясининг ўртача йиллик миқдори 18 521 рублни, ижтимоий пенсия эса 10 307 рублни ташкил этади.
Плеханов номидаги Россия иқтисодиёт университети нархлар кафедраси профессори Юлия Финогенова «Прайм» агентлиги билан суҳбатда таъкидлаганидек, индексация миқдори кўрсаткичдан 4,3%га юқори бўлади, бу кўрсаткич бир йил олдин «пенсионер даромади ҳақиқий кўрсаткичлари энг юқори даражада бўлиши шартларида» назарда тутилган.
Бошқа тўловлар
2022 йил 1 февралдан бошлаб федерал имтиёз эгалари, шу жумладан турли орденлар билан тақдирланган Улуғ Ватан уруши ветеранлари, радиациядан жабрланган фуқаролар, фашизм давридаги вояга етмаган тутқунлар ва айрим тоифадаги фуқароларга тўланадиган бошқа ойлик тўловлар ҳам 5,8%га индексация қилинади. Ойлик тўлов миқдорлари уларни олувчининг мақомига боғлиқ бўлади.
Бундан ташқари, кейинги йилдан 1967 йилда туғилган аёлларга жамғарилган пенсияларни тўлаш бошланади. Ўртача миқдор 2 613 рублни ташкил қилади. Бундан ташқари, Ҳар ойлик тўловларга ойига 1 211,7 рубль миқдоридаги ижтимоий хизматлар тўплами киритилади. 2022 йилда бутун тўпламни ёки унинг бир қисмини пул кўринишида олиш учун россияликлар 2021 йил 1 октябрга қадар РПЖнинг ҳудудий органига тегишли аризани топширишлари лозим.
Ишланмаган давр ҳисобга олинмайди
Аввал Россия президенти ҳузуридаги тадбиркорлар ҳуқуқлари бўйича ваколатли вакил Борис Титов Молия вазирлиги ишловчи пенсионерлар пенсиясини индексация қилиш учун маблағ ажратмаётганлиги таъкидлаб ўтди. Унинг фикрича, пенсионерлар ишлашни хоҳлашяпти ва мигрантларни ўрнини босишга тайёрлар, бироқ пенсия индексациясидан маҳрум бўлишдан қўрқиб бундай қилмаяптилар. «Улар имтиёзни йўқотадилар, пенсиялари индексация қилинмайди. Бу одамларни ишлашга чиқишдан қайтаради», – деди у.
Сентябрь ойида ҳукумат бу сафар ҳам ишловчи пенсионерларнинг пенсиясини индексация қилиш тўғрисидаги қонунни маъқулламади. Ҳукуматнинг айтишича, бу чора-тадбирлар учун қўшимча харажатлар талаб этилади, сабаби қонун лойиҳасида ҳеч қандай молиялаштириш манбалари кўрсатилмаган.
Ўз навбатида, Россия Пенсионерлар уюшмаси президиуми раиси ва Ижтимоий сиёсат федерацияси кенгаши қўмитаси раисининг ўринбосари Валерий Рязанский егуликка пул етмаётганлигидан шикоят қилаётган пенсионерларга қўшимча иш топиб ишлашни таклиф қилди. «Куч-қувват ва имконият бўлса, қаердадир ишлаш керак. Мўъжиза фақат эртакларда бўлади», – деди у. Шунингдек сиёсатчи пенсионерлар бир марталик моддий ёрдам учун мурожаат қилишлари мумкинлигини эслатиб ўтди, бироқ бу доимий молиявий муаммоларга ечим бўла олмаслигини таъкидлади. Унинг фикрича, Россияда пенсия миқдори камлигининг сабаби кичик маошлар кексалик учун жамғаришга ва келгусида яхши пенсия олишга имкон бермайди.
Манба: lenta.ru.
Маълумот учун!
ПЕНСИЯ ТАЙИНЛАШНИ СЎРАБ пенсия олиш ҳуқуқи пайдо бўлган кундан бошлаб ИСТАЛГАН ВАҚТДА, бирор муддат билан чекланмаган ҳолда мурожаат этиш мумкин.
Мавзувий сонни Алла Ромашко олиб боради.