Ўзбекистон Республикаси Ахборот технологиялари ва коммуникацияларини ривожланириш вазирлигидан олинган маълумотларга кўра, юртимиз фуқаролари жорий йилдан бошлаб ўз паспортларини ID-карталарга алмаштириши керак.
Ҳозирги кунда ID-карта олиш учун республикамиз Ички ишлар вазирлигининг миграция ва фуқароликни расмийлаштириш бўлими ва давлат хизматлари марказларига мурожаат қилиш ёки Ягона интерактив давлат хизматлари портали (my.gov.uz) орқали ариза бериш керак. Бунинг учун ариза берувчи Ягона интерактив давлат хизматлари порталига кириб, электрон анкетани тўлдиради ва уни ваколатли органга юборади.
Шундан сўнг биографик маълумотларни тизимга киритиш, электрон бармоқ излари ва суратга олиш учун маълумотларни тўплаш пунктлари (ички ишлар органларининг миграция ва фуқароликни расмийлаштириш бўлимлари)га мурожаат қилиш лозим. ID-картани олувчи фуқаро учун талаб этиладиган вазифалар ана шулардан иборат.
ЎзА.