Жисмоний шахсни уч сутка дам олиб бир сутка ишланадиган график бўйича қоровул лавозимига тўлиқ ставкада ўриндошликка ишга қабул қилиш мумкинми?
– Уч кун дам олиб бир сутка ишлаш режими амалдаги қонун ҳужжатларига зиддир, сабаби эгаллаб турган лавозимидан ва меҳнат фаолияти хусусиятидан қатъи назар, кундалик сменанинг муддати 12 соатдан ортиб кетмаслиги лозим (МК 123-м.).
Ўриндош ходим тўлиқ ставкада ишга қабул қилинмайди, сабаби ўриндошлик асосида иш вақтининг (сменанинг) умумий давомийлиги, ҳатто асосий иш кунларидан бўш вақтда ишланган тақдирда ҳам, ҳисобга олинадиган давр (бир ой) учун ўриндошлик асосидаги лавозим бўйича иш вақти нормасининг ярмидан ортиқ бўлмаслиги керак (ВМнинг 18.07.2012 йилдаги 297-сон қарори билан тасдиқланган Низомнинг 7-б.).
Валерия Ляндрес,
кадрлар хизмати ходими.