Norma.uz
Норма маслахатчи / 2020 йил / № 42 / Кадрлар бўлими

Тиббий хулоса бўйича ишдан бўшатилди

 

Ходима уйда бўлганида оёғи синиб қолди. Уч ой касаллик варақаси бўйича уйда бўлди. Ҳозир унга 1 йилга II гуруҳ ногиронлиги белгиланганлиги тўғрисидаги маълумотномани тақдим этди, у ногиронлик бўйича пенсияни расмийлаштираётган экан. У иши дазмол машинаси олдида кун давомида тик оёқда туришдан иборат эканлиги сабабли ўз мажбуриятларини бажара олмайди. Корхона ишлаб чиқаришнинг ўзига хос хусусиятлари туфайли имтиёзли иш шароитларини тақдим эта олмайди.

Корхона бундай ходимани ишдан бўшатиши мумкинми ёки ногиронлик даврида унинг иш ўрнини сақлаб туриши шартми? 

 

 

– Тиббий хулосага кўра ходимнинг аввалги иш жойида ишлаши соғлиғига тўғри келмаса, иш берувчи меҳнат шартномасини тўхтатиши шарт (МК 100-м. 2-қ. 2-б.). Ногиронлик даврида унинг иш жойини сақлаб туриш ҳолати амалдаги қонун ҳужжатларида назарда тутилмаган.

Ходимнинг соғлиғи туфайли эгаллаган лавозимига номувофиқлиги тегишли тиббий хулоса билан тасдиқланиши лозим. Бунда тиббий хулоса билан тасдиқланган ходимнинг соғлиғи ҳолати ўз-ўзидан ёмонлашиши, шу жумладан унга ногиронликни белгилаш, агар ходим ўз вазифаларини бажаришни уддалаётган бўлса, меҳнат шартномасини бекор қилиш учун сабаб бўла олмайди.

Ходимнинг соғлиғи туфайли эгаллаган лавозимига номувофиқлиги сабабли, ходим бажарадиган ишини уддалай олиши ёки уддалай олмаслигидан қатъи назар, тиббий хулосага кўра бу ишни бажариш унинг соғлиғига тўғри келмаса ёки меҳнат жамоаси аъзолари ёхуд улар хизмат кўрсатадиган фуқаролар учун хавф туғдирадиган бўлса меҳнат шартномаси бекор қилиниши лозим.

Ходим ногиронлик бўйича пенсияни белгиланган ногиронлик даврида ишлаётган ёки ишламаётганлигидан қатъи назар, расмийлаштиришга ҳақлидир.

Валерия Ляндрес, кадрлар хизмати ходими.

Прочитано: 400 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика