Norma.uz
Норма маслахатчи / 2020 йил / № 38 / Қонунчиликдаги янгиликлар

Қишлоқ хўжалиги вазирлигига – қўшимча вазифалар, «Ўзбекозиқовқатхолдинг» тугатилади

 

Президентнинг 9.09.2020 йилдаги ПҚ-4821-сон қарори билан озиқ-овқат саноатини жадал ривожлантириш ҳамда аҳолини сифатли озиқ-овқат маҳсулотлари билан тўлақонли таъминлаш чора-тадбирлари белгиланди. 

 

Қишлоқ хўжалиги вазирлигига қуйидаги қўшимча вазифалар юклатилди:

  • мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини етиштирувчи (ишлаб чиқарувчи) корхоналар билан ушбу маҳсулотларни қайта ишловчи, тайёрловчи ва реализация қилувчи корхоналар ўртасида ўзаро манфаатли муносабатлар учун шароитлар яратиш;
  • маҳаллий озиқ-овқат маҳсулотларининг рақобатбардошлигини ошириш ва уларни диверсификация қилиш, ҳудудларнинг мавжуд табиий ва иқтисодий ресурсларидан унумли фойдаланиш асосида озиқ-овқат саноатини ривожлантиришнинг стратегия ва моделларини ишлаб чиқиш;
  • мева-сабзавот, гўшт, сут ва бошқа қишлоқ хўжалиги озиқ-овқат маҳсулотларини қайта ишловчи тадбиркорлик субъектларини қўллаб-қувватлашнинг молиявий ва номолиявий чоралари – янги воситалар ва ахборот тизимларини яратиш, юқори самара берувчи йўналишларда лойиҳаларни амалга ошириш;
  • озиқ-овқат саноатининг ривожланишига хусусий ва тўғридан-тўғри чет инвестициялар оқимининг таъсирини таҳлил қилиш, прогнозлаш ва бу борада тегишли таклифларни ишлаб чиқиш;
  • замонавий савдо ва логистика марказларини ташкил этиш, маҳаллий озиқ-овқат маҳсулотларини жаҳон бозорларида илгари суриш, уларнинг рақобатбардошлигини ошириш, экспорт салоҳиятини кенгайтириш ҳамда импорт ҳажмини камайтириш чораларини кўриш.

Уларни самарали амалга ошириш учун вазирлик марказий аппаратида Озиқ-овқат саноатини ривожлантириш бош бошқармаси ташкил этилади (Қишлоқ хўжалиги маҳсулотларини қайта ишлаш ва инфратузилмани ривожлантириш бошқармаси негизида). Унга бошлиқ – вазир ўринбосари раҳбарлик қилади. Бошқарув ходимларининг сони 12 та бирликдан иборат бўлиб, улардан 8 таси – қўшимча киритилади.

Қишлоқ хўжалигини ривожлантириш ва озиқ-овқат таъминоти жамғармасига Виночиликни ривожлантириш жамғармаси ҳисобидан 20 млрд сўм ўтказилади. Ўз навбатида, Жамғарма қуйидаги харажатларни молиялаштиради:

  • озиқ-овқат маҳсулотларини ишлаб чиқариш бўйича янги ташкил этилаётган истиқболли лойиҳаларнинг ТИАни тайёрлаш ва шакллантирилаётган янги истиқболли лойиҳаларнинг инфратузилмасини таъминлаш билан боғлиқ харажатларнинг 50%ини, лекин ҳар бир лойиҳа учун 100 млн сўмдан кўп бўлмаган миқдорда қоплаш;
  • озиқ-овқат маҳсулотларини етиштириш ва уларни чуқур қайта ишлаш соҳасига хорижий экспертларни жалб қилиш билан боғлиқ харажатларнинг 50%ни, лекин ҳар бир лойиҳа учун 50 млн сўмдан кўп бўлмаган миқдорда қоплаш.

Шунингдек, ҳужжат билан 2016 йилда ташкил этилган «Ўзбекозиқовқатхолдинг» ХКни тугатиш назарда тутилган. Унинг ҳузурида фаолият кўрсатган Озиқ-овқат саноати корхоналарини ривожлантириш, реконструкция қилиш ва модернизациялаш жамғармасининг тугатиш якунларига кўра қолдиқ маблағлари Жамғармага ўтказилади. Молия вазирлиги сут маҳсулотларини қайта ишлаш қувватларини ташкил этиш учун ҳукумат кафолати остида жалб этилган ХМИ ва хорижий банклар олдидаги тугатилаётган компаниянинг қарз маблағларини сўндиради.

2021/2022 ўқув йилидан бошлаб «5321000-Озиқ-овқат технологияси (маҳсулотлар турлари бўйича)» ҳамда «5410500-Қишлоқ хўжалик маҳсулотларини сақлаш ва дастлабки ишлаш технологияси (маҳсулотлар турлари бўйича)» таълим йўналишлари бўйича бакалавриатнинг кундузги ва сиртқи таълим шаклларига ўқишга қабул қилишнинг давлат буюртмаси параметрларини босқичма-босқич ошириб борилади. Қишлоқ хўжалиги вазирлиги ҳамда бошқа манфаатдор вазирлик ва идораларнинг кадрларга бўлган эҳтиёжлари асос бўлади. Шунингдек, соҳага доир йўналишлар (мутахассисликлар) бўйича таҳсил олаётган талабаларнинг амалиётларини ўташ объектлари тўғрисидаги маълумотлар базаси ҳам шакллантирилади. Ушбу мақсадларда озиқ-овқат технологиялари соҳасида замонавий техника ва технологияларни жорий этган етакчи корхона, ташкилотлар ва муассасалар билан ўзаро ҳамкорлик ўрнатилади.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 10.09.2020 йилдан кучга кирди.

 

Олег Заманов

«Norma» МЧЖ эксперти.

Прочитано: 211 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика