Ўтган йил якунларига кўра миллиондан ортиқ пенсия тайинланган, улардан 830 000 таси ёшга доир пенсия эди. Бироқ пенсияга чиққанлар сони пенсия ёши оширилганда пенсияга чиқиши мумкин бўлганларга нисбатан тахминан 355 минг кишига кам бўлди.
Россия Пенсия жамғармаси раҳбари Антон Дроздовнинг таъкидлашича, 2020 йилда 800 минг киши пенсияга чиқиши кейинга қолдирилади, бироқ бу ортиб борувчи якун билан, яъни 2019 йилда пенсияга чиқиши кейинга сурилганларни ҳисобга олган ҳолдаги натижадир.
Муддатидан олдин пенсияга чиқадиганлар сони кўпаяди. Улар пенсияга чиқадиганлар сонидан тахминан чорагини ташкил этади. Пенсионерлар умумий сонининг 14,6%и меҳнат шароити зарарли ва хавфли бўлган ишларда банд бўлганлар, 5%и – Шимолда ишловчилар, 2,5%и – тиббиёт ходимлари ва педагоглар.
«Кейинги йилларда муддатидан олдин пенсияга чиқадиганлар сони ошиши кутилмоқда – хусусан, кўп болали оналар ҳисобига шундай бўлади. 2021 йилдан бошлаб тўрт ва ундан кўп болалари бўлган оналар 56 ёшдан пенсияга чиқадилар. 2023 йилдан бошлаб эса учта боласи бор оналар 57 ёшдан пенсияга чиқадилар», - деб давом эттирди у.
Манба: «РГ-Неделя».
Мавзувий сонни Алла Ромашко олиб боради.
