Пуллар Кремлга…
Челябинскдаги инглиз тили ўқитувчиси, 33 йиллик стажга эга бўлган Елена Карпеня пенсияси 6,6%га индексация қилинганидан кейин 1 рубль 10 тийин қўшимча ҳақ олди. У ушбу суммани Кремлга президент Владимир Путиннинг номига юборди.
«Январь ойидаги индексация (1 рубль) учун катта раҳмат. 33 йиллик стажга эга ўқитувчи», деб айтилади унинг банк ўтказмасидаги хабарда. Ушбу хизматга пенсионер 81 рубль ҳақ тўлаган.
Нашр билан суҳбатда Карпеня телевизор орқали аҳолининг турмуш тарзи яхшиланаётгани ва иқтисодий ўсиш бўлаётгани ҳақида гапиришади, лекин мен бу «чўпчак»ка негадир ишонгим келмаяпти, деб айтган.
Ўтган йили, одамлар пулларни Кремлга жўнатишидан олдин ҳам шундай воқеа (индексация борасида) юз берганди. «Келгуси йилда 50 тийин қўшишармикин? Кишини шунчалик хор қилгандан кўра, бундай «оширишлар»ни амалга оширмаган маъқулмикин» дея заҳарханда қилишди одамлар.
У пенсияга чиққанидан кейин дастлаб 7 200 рубль олганлигини қўшимча қилди. Бир неча йиллардан кейин, 2019 йил декабрга келиб ушбу сумма 9 224 рублгача оширилган.
Илгари «Мўъжизалар майдони» («Поле чудес») капитал-шоуси бошловчиси Леонид Якубович иш ҳақидан 13%и қаёққа кетаётганлигини ҳалигача тушунмаслигини айтган. Унинг пойтахтда олаётган пенсияси 23 минг рублни ташкил этади. Бундай сариқ чақага қандай яшаш мумкинлигини ўз тажрибасида кўрсатиб бериши учун меҳнат вазирига ҳам энг кам пенсия миқдорида маош тўлаш кераклигини айтган Якубович.
… совғалар депутатларга
Карелиялик пенсионер фахрийлар учун тўлов индексация миқдоридан норози бўлиб, Қонунчилик йиғинининг мажлисига келган ва депутатларга 2 та рулон туалет қоғозини берган.
«Барча меҳнат фахрийлари номидан сизларга ташаккур билдираман. Фахрийлар учун индексация тўлови шуларни сотиб олишга етди холос. Фойдаланиш учун уларни сизларга бераман» – деб айтган.
Маҳаллий ОАВ хабарига кўра, жамоат транспортидаги йўл ҳақи ва 12 йил давомида индексация қилинмаган алоқа хизматлари учун компенсация тўғрисида сўз бормоқда.
Ўтган йилнинг охирида Карелия Конституцион суди буни ҳуқуқбузарлик деб эътироф этган ва ҳукуматга индексация қилиш мажбуриятини юклаган. Натижада тўловлар расмий инфляция фоизига оширилган ва абсолют рақамларда 21 рублни ташкил этган.
Манба: РАА янгиликлари.
Мавзувий сонни Алла Ромашко олиб боради.
