Norma.uz

Ҳукумат кўчмас мулкка янги намунадаги кадастр паспортларини жорий этади

 

Кўчмас мулк объектларига бўлган ҳуқуқларни давлат рўйхатидан ўтказиш тизимини янада такомиллаштириш мақсадида Вазирлар Маҳкамасининг 12.12.2019 йилдаги 987-сон қарори қабул қилинди.

 

Паспорт босқичма-босқич жорий этилади:

♦ 2020 йил 1 мартдан бошлаб – Тошкент шаҳрида, Андижон, Наманган ва Фарғона вилоятларида;

♦ 2020–2022 йилларда босқичма-босқич – бошқа вилоятларда ва Қорақалпоғистонда.

2020 йил 1 мартдан бошлаб Андижон, Наманган ва Фарғона вилоятлари, шунингдек, Тошкент шаҳрида жойлашган кўчмас мулк объектига бўлган мулк ҳуқуқи ёки бошқа ашёвий ҳуқуқлар вужудга келган, бошқа шахсга ўтган, бекор бўлган ёки кўчмас мулк объектининг ҳуқуқий ҳолати ўзгарганлигини тасдиқлаш юзасидан мурожаат қилинганда, ариза берувчига давлат хизматлари марказлари орқали янги намунадаги кадастр паспорти берилади.

«Ергеодезкадастр» давлат қўмитасига бир ой муддатда Иқтисодиёт ва саноат вазирлиги ҳамда ДСҚ билан биргаликда янги намунадаги кадастр паспорти шакли ва унинг тавсифини тасдиқлаш топширилди. Икки ой муддатда паспортларни етарли миқдорда ишлаб чиқарилишини ҳамда давлат хизматлари марказларига етказиб берилишини таъминлаш зарур. Бунда молиялаштириш учун чет эл инвесторларининг маблағлари жалб этилади.

Манфаатдор вазирликлар ва идоралар томонидан норматив-ҳуқуқий ҳужжатларга бир ой муддатда тегишли ўзгартиришлар киритилиши керак.

 

Ҳужжат Қонун ҳужжатлари маълумотлари миллий базасида (lex.uz) эълон қилинган ва 13.12.2019 йилдан кучга кирди.

 

 

Лола Абдуазимова,

«Norma» МЧЖ эксперти.

Прочитано: 37 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2018 г. Все права защищены.
18+   Яндекс.Метрика