Ўзимга ва ўғлимга хорижий паспорт олдим. Фамилияларимиз турлича. Менинг фамилиям 2 хил ёзилади: KadirKHanova и KadirХanova. Паспортимда фамилиям «КН» билан, ўғлимнинг кузатув ҳужжатларида эса «Х» билан ёзилган.
Чегарада муаммолар бўлмайдими?
– Ўзбекистон Республикаси фуқаросига ФҲДЁ органлари томонидан берилган туғилганлик тўғрисидаги гувоҳномасига асосан 16 ёшга тўлганда биринчи марта паспорт берилади (Низом, 5.01.2011 йилдаги ПФ-4262-сон Фармонга 1-илова). Шу боис туғилганлик тўғрисидаги гувоҳномадаги маълумотлар рус тилидан лотинчага ўгирилганда ёзув қоидалари бузилмаган ҳолда паспортга кўчирилиши лозим. Сиз туғилганлик тўғрисидаги гувоҳномада ёзилган фамилиянгизни паспортдаги билан солиштириб кўришингиз керак. Хатоликлар аниқланган тақдирда ва чегарада тушунмовчиликлар бўлмаслиги учун яшаш жойингиздаги миграция ва фуқароликни расмийлаштириш бўлимига (МваФР) паспортни алмаштириш учун мурожаат қилишингизни тавсия этамиз.
Санжар Хўжааҳмедов, «Norma» МЧЖ эксперти.
