«Алоқабанк» АК билан тузилган кредит шартномасига кўра 2 млрд сўм кредит олдик. Бу суммани фоизлари билан муддатидан бироз кечикиб тўладик. Шартноманинг «Тарафларнинг жавобгарлиги» бандида қарздор тўлов муддатини кечиктирганлиги учун кечиктирилган ҳар бир кун учун 0,4% миқдорида пеня тўлаши кўрсатилган. Шартномада қарздорнинг счётидан пеня суммасини акцептсиз олиш ҳақида банд мавжуд эмас. Ўз навбатида, банк суднинг ҳал қилув қарорига эга бўлмай туриб, қарздорнинг ҳисоб-китоб счётидан 151 млн сўм миқдоридаги пеня суммасини акцептсиз олмоқда.
«Алоқабанк» АКнинг ҳаракати қонунийми?
– Ҳа, банкнинг хатти-ҳаракатлари қонуний.
Кредитлар бўйича қарзларни тўловчи ўз вақтида тўламаганда банклар тўловчининг асосий счётига хизмат кўрсатувчи банкка маблағларни акцептсиз ҳисобдан чиқаради (АВ томонидан 3.06.2013 йилда 2465-сон билан рўйхатдан ўтказилган Низомнинг 56-банди).
Альберт Сафин, «Norma» МЧЖ эксперти.
