Автомактабга кириш учун тиббий кўрикдан ўтдим ва бу ҳақда маълумотнома олдим. Бироқ у берилган муддат ўтиб кетганлиги ва тиббий кўрикдан қайта ўтишим кераклигини айтиб, уни қабул қилмадилар.
Автомактабдагилар ҳақлими?
А.Р. Тошкент ш.
– Автомактабга кириш учун тиббий кўрикдан ўтиш ва 083/ҳ шаклдаги тиббий маълумотномани тақдим этиш зарур (АВ томонидан 27.06.2013 йилда 2472-сон билан рўйхатдан ўтказилган Низом).
Тиббий кўрикдан ўтказиш муддати 3 календарь кунидан ошмаслиги керак. Автомактаблардаги курсларда ўқишга кираётганлар учун маълумотнома кўпи билан 1 ой олдин берилган бўлиши лозим. Курсларга ҳужжатларни ушбу муддат ўтгач топширган бўлсангиз, автомактаб ходимлари маълумотномангизни қабул қилмай тўғри иш қилган бўладилар.
«АвтоНорма» бўлимини Алла Ромашко олиб боради.
