Фирма қиймати 1 млрд сўмлик асбоб-ускуналарни лизинг ташкилотига сотади ва қайтариладиган лизинг шартномасига кўра ушбу асбоб-ускуналарни 2 млрд сўмга (лизинг бўйича фоизларни ҳисобга олмаганда асосий қарз суммаси) сотиб олади.
1. Лизинг компаниясига асбоб-ускуналарни сотиш қиймати билан қайтариладиган лизинг шартномаси бўйича асбоб-ускуналарни олиш қиймати ўртасидаги фарқ солиқ солинадиган даромад ҳисобланадими?
2. Қайтариладиган лизинг шартномасига кўра олинган асбоб-ускуналарни қайси нархда кирим қилиш керак?
А.Одилов, директор.
|
1 |
Йўқ, лизингга олувчида (асбоб-ускуналарнинг сотувчисида) лизинг компаниясига асбоб-ускуналарни сотиш қиймати билан қайтариладиган лизинг шартномасига кўра олинган ушбу асбоб-ускуналарнинг қиймати ўртасидаги фарқ солиқ солинадиган даромад ҳисобланмайди.
Қайтариладиган лизингда лизингга олувчида 2 та операция – мол-мулкнинг сотилиши ва уларнинг лизингга олиниши акс эттирилади.
Асбоб-ускуналарни сотишда солиқ солинадиган даромад ҚҚС, сотиш харажатлари ва қайта баҳолаш натижаларини ҳисобга олган ҳолда асбоб-ускуналарни сотишдан тушум билан унинг қолдиқ қиймати ўртасидаги фарқ сифатида аниқланади (Солиқ кодексининг 133-моддаси; АВ томонидан 29.08.2004 йилда 1401-сон билан рўйхатдан ўтказилган Низом).
Асбоб-ускуналар лизинг шартномаси бўйича келиб тушганда мол-мулкни олувчида солиқ солинадиган даромад мавжуд бўлмайди.
Лизингга олувчига асбоб-ускуналарни бериш қиймати (2 млрд сўм) билан уни сотиб олиш қиймати (1 млрд сўм) ўртасидаги фарқ ҳисобидан лизингга берувчида даромад юзага келади. Ушбу фарқ кечиктирилган даромад сифатида (7230-счёт) акс эттирилади. У лизинг тўловининг ҳисобланишига қараб бир маромда (ойма-ой) асосий фаолиятнинг бошқа даромадларига ҳисобдан чиқарилади (АВ томонидан 1.06.2009 йилда 1961-сон билан рўйхатдан ўтказилган Низомнинг 9-банди).
|
2 |
Лизингга олувчида асбоб-ускуналарни 2 млрд сўм қийматда акс эттириш лозим. Лизингга олувчининг бухгалтерия ҳисобида асбоб-ускуналар актив сифатида жорий қиймати1 ёки минимал ижара (лизинг) тўловларининг дисконтланган қиймати2 бўйича, агар у паст бўлса, тан олиниши лозим (АВ томонидан 24.04.2009 йилда 1946-сон билан рўйхатдан ўтказилган 6-сон БҲМСнинг 25-банди).
Лизингга олувчининг бухгалтерия ҳисобида асбоб-ускуналарнинг лизинг шартномаси бўйича келиб тушиши қуйидагича акс эттирилади:
|
Хўжалик операциясининг мазмуни
|
Сумма
|
Дебет
|
Кредит
|
|
Молиявий ижара (лизинг) объектлари келиб тушди
|
2 млрд сўм
|
0800-«Капитал қўйилмаларни ҳисобга олувчи счётлар»; 0700-«Ўрнатиладиган асбоб-ускуналарни ҳисобга олувчи счётлар» |
7910-«Тўланадиган молиявий ижара»
|
|
Молиявий ижара (лизинг) объектлари фойдаланишга берилди
|
2 млрд сўм
|
0310-«Молиявий ижара шартномаси бўйича олинган асосий воситалар»
|
0800-«Капитал қўйилмаларни ҳисобга олувчи счётлар»; 0700-«Ўрнатиладиган асбоб-ускуналарни ҳисобга олувчи счётлар» |
Дарина Абухович, «Norma Online» эксперти.
___________________________________
1Ижара (лизинг) объектларининг жорий қиймати – ижара (лизинг) объектининг муайян бир санадаги бозор баҳолари бўйича қиймати ёки мазкур ижара (лизинг) объектини сотиб олиш учун ёки ушбу битимни амалга оширишни хоҳловчи бир-бирига боғлиқ бўлмаган хабардор томонлар ўртасидаги мажбуриятни бажариш учун етарли бўлган сумма (6-сон БҲМСнинг 16-банди).
2Минимал ижара (лизинг) тўловларининг дисконтланган қиймати – ижара (лизинг) шартномасида кўзда тутилган фоиз ставкаси ёки қарз капиталининг ўсиб борувчи фоиз ставкасига тенг дисконт ставкаси бўйича тузатилган ижара (лизинг) муддатининг бошланишидаги минимал ижара (лизинг) тўловларининг жорий қиймати (6-сон БҲМСнинг 22-банди).
