Ишлаб чиқариш зарурати туфайли мени вақтинча бошқа ишга ўтказишди. Аввалги лавозимда имтиёзли пенсия таъминотига ҳақли эдим. Вақтинча ўтказилганимга қарамай ушбу ҳуқуқни йўқотаманми?
Н.Кан.
Тошкент шаҳри.
– «Фуқароларнинг давлат пенсия таъминоти тўғрисида»ги Қонунга (3.09.1993 йилдаги 938-XII-сон, бундан кейин – Қонун) асосан ёшга доир имтиёзли пенсия олишга охирги иш жойидан қатъи назар, талаб қилинадиган умумий ва махсус (имтиёзли) стажга эга бўлган шахслар ҳақлидир. (Таҳр. изоҳи – Агар сиз ўтказишгача имтиёзли пенсия олиш ҳуқуқини берадиган стажга эга бўлсангиз, имтиёзга эга бўласиз. Агар сиз бундай ҳуқуқни бермайдиган лавозимга ўтказилган ва имтиёзли стаж қонун бўйича талаб қилинганидан кам бўлса, янги иш жойидаги иш даври (ҳатто вақтинча бўлса ҳам), афсуски, унга кирмайди).