Ширкатни сиқиб чиқариш ва бевосита бошқарувга ўтиш курси давом этмоқда

Бир қатор ширкатлар ва пойтахтнинг бевосита бошқарувидаги уйлар раҳбарлари Қурилиш ва уй-жой коммунал хўжалиги вазирлигининг (Вазирлик) кўп квартирали уйларни бошқаришнинг кластер моделини жорий этиш тўғрисидаги таклифи юзасидан Сенат, Вазирлар Маҳкамаси ва Президент Девонига мурожаат йўлладилар. Бу ҳақда яқинда ККУни бошқариш тизимини такомиллаштириш ва аҳолига сифатли хизмат кўрсатишни таъминлаш бўйича ўтказилган тақдимотда айтилди. Тажриба доирасида навбатдаги янгиликни 2026–2030 йилларда Ўзбекистоннинг қатор шаҳар ва туманларида ишга тушириш таклиф этилмоқда.