Солиқ тўловчилар янги регламентлар бўйича рўйхатдан ўтказилади

Солиқ тўловчиларни солиқ хизмати органларида ҳисобга қўйиш соҳасидаги давлат хизматларини кўрсатиш бўйича қуйидаги маъмурий регламентлар тасдиқланди (2.04.2022 йилдаги 150-сон ВМҚ) (ҳужжат матни «СБХ» ушбу сонининг ҳужжатлар пакетида берилмоқда): ● Кўчмас мулк ижара ёки текин фойдаланиш шартномаларини ҳисобга қўйиш бўйича давлат хизматини кўрсатиш маъмурий регламенти (қарорга 1-илова); ● Чет эл юридик шахсларининг доимий муассасаларини ҳамда алоҳида бўлинмаларини ҳисобга қўйиш бўйича давлат хизматини кўрсатиш маъмурий регламенти (қарорга 2-илова); ● Товар-хом ашё биржаларида операцияларни амалга оширувчи жамиятларнинг акцияларини сотиб оладиган ҳамда жисмоний шахсларга электрон шаклдаги хизматларни кўрсатувчи чет эл юридик шахсларини ҳисобга қўйиш бўйича давлат хизматини кўрсатиш маъмурий регламенти (қарорга 3-илова); ● Солиқ тўловчиларни солиқ органларида солиқ солиш объекти бўйича ҳисобга қўйиш юзасидан давлат хизматини кўрсатиш маъмурий регламенти (қарорга 4-илова); ● Ташқи иқтисодий фаолиятни амалга оширувчи Ўзбекистон Республикаси резидентлари – юридик ва жисмоний шахсларнинг доимий жойлашуви (резидентлик) фактини расмий тасдиқлаб бериш бўйича давлат хизматини кўрсатиш маъмурий регламенти (қарорга 5-илова); ● Солиқ тўловчиларга шахсий ҳисобварақлардан кўчирмаларни ва солиштирма далолатномани тақдим этиш бўйича давлат хизматларини кўрсатиш маъмурий регламенти (қарорга 6-илова).