Наврўзи олам – инсонлар бир бирига хайр-саховат кўрсатадиган, меҳр-мурувват улашадиган қутлуғ байрамлардан.
Байрам арафаси кунларида мамлакатимиз иқтисодий манфаатларини ҳимоя қилиб, божхона органлари томонидан зиммасига юклатилган вазифаларни бажаришга ҳисса қўшган фахрийлар ҳолидан хабар олинди. Хусусан, тизимда узоқ йиллар меҳнат қилиб, касб бурчини намунали бажаргани, иш давомида юқори кўрсаткичларга эришгани учун божхона фахрийси Н.Ахунджанов Давлат божхона қўмитасининг «Davlat bojxona xizmati faxriy xodimi» кўкрак нишони билан тақдирланди. Сирдарё вилояти божхона бошқармаси ходимлари фахрий божхоначини қутлаш учун унинг хонадонида бўлишди ва кўкрак нишонини тантанали равишда топширишди.
Шунингдек, вилоят божхона бошқармаси ходимлари кўп йиллар давомида божхона тизимида ишлаган ва бугунги кунда нафақада бўлган божхона хизмати фахрийси М.Халимовнинг хонадонида бўлишди. Фахрий хизмат йиллари давомидаги хотиралари билан ўртоқлашди, бугунги кундаги ўзгаришлар, соҳадаги янгиликлар ҳақида қизғин суҳбат қурди. Хонадон эгасига байрам совғалари берилди.
Сирдарё вилояти божхона бошқармаси Ахборот хизмати.