Ўзбекистон Республикаси Вазирлар Маҳкамасининг қарори
Жисмоний ва юридик шахслар томонидан электрон рақамли имзо калитларидан фойдаланишни кенгайтириш, электрон рақамли имзо калити сертификатини олишни масофадан амалга ошириш имкониятларини яратиш мақсадида Вазирлар Маҳкамаси қарор қилади:
1. Вазирлар Маҳкамасининг «Давлат хизматлари марказлари орқали электрон рақамли имзо калитини рўйхатга олиш ва электрон рақамли имзо калитининг сертификатини бериш бўйича давлат хизматлари кўрсатишнинг маъмурий регламентини тасдиқлаш ҳақида» 2018 йил 10 майдаги 348-сон қарорига иловага мувофиқ ўзгартириш ва қўшимчалар киритилсин.
2. Ўзбекистон Республикаси Ахборот технологиялари ва коммуникацияларини ривожлантириш вазирлиги, Вазирлар Маҳкамаси ҳузуридаги Давлат персоналлаштириш маркази мобил алоқа операторлари билан биргаликда ахборот хавфсизлигини таъминлаш чораларини кўрган ҳолда ҳамда «Шахсга доир маълумотлар тўғрисида»ги Ўзбекистон Республикаси Қонуни талабларига мувофиқ 2021 йил 1 июлга қадар босқичма-босқич мобил алоқа абоненти – жисмоний шахс тўғрисидаги маълумотларни унинг шахсий идентификация рақами бўйича олиш юзасидан Давлат солиқ қўмитаси ҳузуридаги Янги технологиялар илмий-ахборот маркази ҳамда Адлия вазирлиги ҳузуридаги Давлат хизматлари агентлиги билан идоралараро электрон ҳамкорлик йўлга қўйилишини таъминласин.
3. Ўзбекистон Республикаси Адлия вазирлиги ҳамда Давлат солиқ қўмитаси манфаатдор вазирликлар ва идоралар билан биргаликда ўзлари қабул қилган идоравий норматив-ҳуқуқий ҳужжатларни икки ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари – иқтисодий тараққиёт ва камбағалликни қисқартириш вазири Ж.А.Қўчқоров, адлия вазири Р.Қ.Давлетов ҳамда Давлат солиқ қўмитаси раиси Ш.Д.Кудбиев зиммасига юклансин.
Ўзбекистон Республикасининг Бош вазири
А.АРИПОВ.
Тошкент ш.,
2020 йил 7 декабрь
773-сон.
ЎзР ВМнинг 2020 йил 7 декабрдаги 773-сон қарорига
ИЛОВА
ВАЗИРЛАР МАҲКАМАСИНИНГ «ДАВЛАТ ХИЗМАТЛАРИ МАРКАЗЛАРИ ОРҚАЛИ ЭЛЕКТРОН РАҚАМЛИ ИМЗО КАЛИТИНИ РЎЙХАТГА ОЛИШ ВА ЭЛЕКТРОН РАҚАМЛИ ИМЗО КАЛИТИНИНГ СЕРТИФИКАТИНИ БЕРИШ БЎЙИЧА ДАВЛАТ ХИЗМАТЛАРИ КЎРСАТИШНИНГ МАЪМУРИЙ РЕГЛАМЕНТИНИ ТАСДИҚЛАШ ҲАҚИДА» 2018 ЙИЛ 10 МАЙДАГИ 348-СОН ҚАРОРИГА КИРИТИЛАЁТГАН ЎЗГАРТИРИШ ВА ҚЎШИМЧАЛАР
1. Қарорнинг номи қуйидаги таҳрирда баён қилинсин:
«Давлат хизматлари марказлари ёки онлайн тарзда (масофадан туриб) расмий ахборот ресурслари орқали электрон рақамли имзо калитини рўйхатга олиш ва электрон рақамли имзо калитининг сертификатини бериш бўйича давлат хизматлари кўрсатишнинг маъмурий регламентини тасдиқлаш ҳақида».
2. 1-банд қуйидаги таҳрирда баён қилинсин:
«1. Давлат хизматлари марказлари ёки онлайн тарзда (масофадан туриб) расмий ахборот ресурслари орқали электрон рақамли имзо калитини рўйхатга олиш ва электрон рақамли имзо калитининг сертификатини бериш бўйича давлат хизматлари кўрсатишнинг маъмурий регламенти иловага мувофиқ тасдиқлансин».
3. Иловада:
а) Маъмурий регламентнинг номи қуйидаги таҳрирда баён қилинсин:
«Давлат хизматлари марказлари ёки онлайн тарзда (масофадан туриб) расмий ахборот ресурслари орқали электрон рақамли имзо калитини рўйхатга олиш ва электрон рақамли имзо калитининг сертификатини бериш бўйича давлат хизматлари кўрсатишнинг маъмурий регламенти»;
б) 1 ва 2-бандларга «Давлат хизматлари марказлари» сўзларидан кейин «ёки онлайн тарзда (масофадан туриб) расмий ахборот ресурслари» сўзлари қўшилсин;
в) 3-бандга қуйидаги мазмундаги хатбоши қўшилсин:
«расмий ахборот ресурси – ЭРИ калитларини рўйхатдан ўтказиш ва ЭРИ калитларининг сертификатларини олиш учун жисмоний шахслар ва юридик шахсларнинг раҳбарлари томонидан электрон ҳисоблаш машинаси воситасида ЭРИ ёпиқ калитини яратиш ва сақлаш имкониятини таъминлаб берувчи ваколатли орган расмий веб-сайти»;
г) 5-бандга қуйидаги мазмундаги хатбоши қўшилсин:
«ЭРИ калитларининг сертификатларини бериш учун юридик шахслар томонидан йиғим банк ҳисобварақларидан пул кўчириш йўли билан бир қаторда банк карталари орқали нақд пулсиз шаклда тўлов тизими операторлари орқали амалга оширилишига йўл қўйилади. Бунда тўлов тизими операторлари орқали амалга оширилган ҳар бир тўлов Давлат хизматлари марказларининг бириктирилган ходимлари томонидан текшириб, қайд қилинади»;
д) 6-бандда:
«а» кичик бандга «ўзи келиб» сўзларидан кейин «ёки расмий ахборот ресурси орқали» сўзлари қўшилсин;
«б» кичик банднинг учинчи хатбошиси қуйидаги таҳрирда баён қилинсин:
«11,25 фоизи – Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобрақамига»;
е) 8-банд қуйидаги таҳрирда баён қилинсин:
«8. ЭРИ калитларини рўйхатдан ўтказиш ва ЭРИ калитларининг сертификатларини олиш учун жисмоний шахслар ва юридик шахслар (кейинги ўринларда – мурожаат этувчилар) Давлат хизматлари марказларига бевосита ёки Ўзбекистон Республикаси Ягона интерактив давлат хизматлари портали (кейинги ўринларда – Ягона портал) ёки расмий ахборот ресурси орқали электрон тарзда мурожаат қиладилар.
Бунда Ягона портал ёки расмий ахборот ресурси орқали ЭРИ калитларини рўйхатдан ўтказиш ҳамда ЭРИ калитларининг сертификатларини олиш учун фақат юридик шахсларнинг раҳбарлари мурожаат қилишлари мумкин. Юридик шахсларнинг бошқа вакиллари ЭРИ калитларини ва уларнинг сертификатини олиш учун Давлат хизматлари марказларига бевосита мурожаат қилишга ҳақли.
ЭРИ калитининг сертификатини Давлат хизматлари марказлари, Ягона портал ёки расмий ахборот ресурси орқали олиш ушбу Маъмурий регламентга 1 ва 1а-иловаларга мувофиқ схема бўйича амалга оширилади»;
ж) 9-бандда:
биринчи хатбоши қуйидаги таҳрирда баён қилинсин:
«Бевосита мурожаат қилинганда Давлат хизматлари маркази ходими мурожаат этувчининг номидан сўровномани тўлдиради»;
қуйидаги мазмундаги иккинчи хатбоши қўшилсин:
«Ягона портал ёки расмий ахборот ресурси орқали мурожаат қилинган ҳолларда мурожаат қилувчи мустақил равишда ушбу Маъмурий регламентга 2-иловага мувофиқ электрон шаклда давлат хизматларидан фойдаланиш тўғрисидаги сўровномани тўлдиради ва сўровномага электрон мурожаат қилувчининг паспорти (ID-карта) нусхаси ҳамда паспортнинг асосий саҳифаси (ID-карта) билан биргаликда селфи усулида олинган фотосурат нусхаси илова қилинади. Бунда илова қилинаётган фотосурат нусхасида мурожаат қилувчи юз қиёфаси тиниқ кўринган ҳамда паспортнинг асосий саҳифаси (ID-карта) барча реквизитлари ўқиб бўладиган сифатда бўлиши шарт»;
иккинчи–бешинчи хатбошилар тегишлича учинчи–олтинчи хатбошилар деб ҳисоблансин;
з) 10-банд қуйидаги таҳрирда баён қилинсин:
«10. Давлат хизматлари маркази ЭРИ калитининг сертификатини бериш тўғрисидаги сўровномани қабул қилганидан сўнг йигирма дақиқа вақт ичида ундаги маълумотларни Давлат хизматлари маркази ходимининг ЭРИ билан тасдиқланган ҳолда ваколатли органнинг ахборот тизимига идоралараро электрон ўзаро боғланиш йўли билан юборади.
ЭРИ калитининг сертификатини бериш тўғрисидаги сўровнома Ягона портал ёки расмий ахборот ресурси орқали тушган ҳолларда, бир иш куни ичида ундаги маълумотлар Давлат хизматлари маркази ходимининг ЭРИ билан тасдиқланган ҳолда ваколатли органнинг ахборот тизимига идоралараро электрон ўзаро боғланиш йўли билан юборилади.
Бунда Давлат хизматлари маркази ходими сўровномани ваколатли органга юборишдан олдин мурожаат қилувчининг шахсини аниқлаш учун қуйидагиларни амалга оширади:
сўровномада кўрсатилган мобил алоқа абонент рақами мурожаат қилувчига тегишлилигини идоралараро маълумотлар алмашиш тизими орқали текширади;
мурожаат қилувчининг паспорти (ID-карта) асосий саҳифасининг ва селфи-фото нусхаси бўйича паспортнинг (ID-картанинг) ҳақиқийлигини идоралараро маълумотлар алмашиш тизими орқали текширади;
мурожаат қилувчининг СТИР орқали ваколатли орган ахборот тизимидаги маълумотларни сўровномадаги маълумотлар билан идоралараро маълумотлар алмашиш тизими орқали солиштиради»;
и) 12-банддаги «электрон ҳужжат шаклида» сўзларидан кейин «мурожаат қилувчига Ягона портал ёки расмий ахборот ресурси ва» сўзлари қўшилсин;
к) 14-бандга қуйидаги мазмундаги хатбоши қўшилсин:
«ЭРИ калити сертификати Ягона портал ёки расмий ахборот ресурси орқали олинганда, ЭРИ ёпиқ калити эгаси ЭРИ калитининг сертификатини ҳамда чоп этишга мўлжалланган электрон ҳужжат шаклидаги нусхасини Ягона портал ёки расмий ахборот ресурси тизимида тасдиқлаган ҳолда юклаб олади»;
л) 17-банд қуйидаги таҳрирда баён қилинсин:
«17. Ваколатли орган томонидан ЭРИ калитининг сертификатини беришни рад этишга қуйидагилар асос бўлиши мумкин:
а) Давлат хизматлари марказларига бевосита мурожаат қилинган ҳолларда:
мурожаат қилувчи тақдим этган сўровномада нотўғри ёки бузиб кўрсатилган маълумотларнинг мавжудлиги;
ЭРИ калитининг сертификатини бериш учун тўлов амалга оширилмаганлиги, қонун ҳужжатларида ЭРИ калитларининг сертификатларини бепул олиш назарда тутилган ҳоллар бундан мустасно;
мурожаат қилувчининг ҳужжатларни зарур тарзда расмийлаштирмай тақдим этиши;
б) Ягона портал ёки расмий ахборот ресурси орқали электрон тарзда мурожаат қилинган ҳолларда:
мурожаат қилувчининг шахси тасдиқланмаган тақдирда;
мурожаат этувчи тақдим этган сўровномада нотўғри ёки бузиб кўрсатилган маълумотларнинг мавжудлиги (шу жумладан, сўровномада кўрсатилган мобил алоқа абонент рақами мурожаат қилувчига тегишли эмаслиги);
ЭРИ калитининг сертификатини бериш учун тўлов амалга оширилмаганлиги;
мурожаат этувчининг ҳужжатларни зарур тарзда расмийлаштирмай тақдим этиши.
Бошқа асосларга кўра, шу жумладан, ЭРИ калитининг сертификатини бериш мақсадга мувофиқ эмас деган сабаблар билан рад этишга йўл қўйилмайди»;
м) 18-бандга «Ягона портал» сўзларидан кейин «ёки расмий ахборот ресурси» сўзлари қўшилсин;
н) 20-бандда:
«ёки Ягона портал орқали» сўзлари чиқариб ташлансин;
қуйидаги мазмундаги хатбоши қўшилсин:
«Ягона портал ёки расмий ахборот ресурси орқали мурожаат қилинганда, ЭРИ калити сертификатини беришнинг рад этилишига асос бўлган сабаблар мурожаат қилувчи томонидан бартараф этилган тақдирда, сўровномани қайта кўриб чиқиш Давлат хизматлари марказига бевосита мурожаат қилиш орқали ушбу Маъмурий регламентнинг 10–15-бандларида кўрсатилган тартибда амалга оширилади»;
о) Маъмурий регламентга 1-илова қуйидаги таҳрирда баён қилинсин:
«Давлат хизматлари марказлари ёки онлайн тарзда (масофадан туриб) расмий ахборот ресурслари
орқали электрон рақамли имзо калитини рўйхатга олиш ва электрон рақамли имзо калитининг
сертификатини бериш бўйича давлат хизматлари кўрсатишнинг маъмурий регламентига
1-ИЛОВА
ДАВЛАТ ХИЗМАТЛАРИ МАРКАЗЛАРИ ОРҚАЛИ ДАВЛАТ ВА ХЎЖАЛИК БОШҚАРУВИ ОРГАНЛАРИ, МАҲАЛЛИЙ ДАВЛАТ ҲОКИМИЯТИ ОРГАНЛАРИ ҲАМДА ТИЖОРАТ БАНКЛАРИ ТОМОНИДАН КЎРСАТИЛАДИГАН БАРЧА ТУРДАГИ ХИЗМАТЛАРДАН ЭРКИН ФОЙДАЛАНИШНИ ТАЪМИНЛАЙДИГАН ЭЛЕКТРОН РАҚАМЛИ ИМЗО КАЛИТИНИНГ СЕРТИФИКАТИНИ БЕРИШ БЎЙИЧА ДАВЛАТ ХИЗМАТЛАРИ КЎРСАТИШ
СХЕМАСИ
|
Босқичлар
|
|
Субъектлар
|
|
Тадбирлар
|
|
Бажариш муддати
|
|
|
|
|
|
|
|
|
|
|
|
1-босқич
|
|
Мурожаат қилувчи
|
|
1. ЭРИ калити сертификатини олиш учун Давлат хизматлари марказига ўзи келган ҳолда мурожаат қилиш;
|
|
1. Хоҳишига кўра
|
|
|
|
|
2. Давлат хизматларини кўрсатиш учун йиғимни тўлаш.
|
|
2. Мурожаат қилинганда
|
|
||
|
|
|
|
|
|
|
|
|
|
2-босқич
|
|
Давлат хизматлари маркази
|
|
1. Мурожаат қилувчи номидан сўровномани тўлдириш ҳамда ваколатли органга юбориш.
|
|
1. 20 дақиқа ичида
|
|
|
|
|
2. Сўровномани ваколатли органга юбориш.
|
|
2. Автоматик равишда
|
|
||
|
|
|
|
|
|
|
|
|
|
3-босқич
|
|
Ваколатли орган
|
|
1. Тақдим этилган маълумотларни кўриб чиқиш. 2. ЭРИ калитларини рўйхатга олиш ва ЭРИ сертификатини расмийлаштириш ёки рад этиш хабарномасини тайёрлаш. 3. ЭРИ калити сертификатини реестрга киритиш, мурожаат қилувчига смс-хабар шаклида ЭРИ калити паролини жўнатиш. 4. Расмийлаштирилган ЭРИ калити сертификатини ёки асосланган сабабларга кўра рад этиш хабарномасини Давлат хизматлари марказига юбориш. |
|
Автоматик равишда
|
|
|
|
|
|
|
||||
|
|
|
|
|
|
|
|
|
|
4-босқич
|
|
Давлат хизматлари маркази
|
|
1. Ваколатли органдан ЭРИ калити сертификатини ёки асосланган сабабларга кўра рад этиш хабарномасини олиш. 2. ЭРИ ёпиқ калити эгаси шахсини аниқлаш, ЭРИ калитларини ва ЭРИ сертификатини ўзга маълумот манбаига ёзиш. 3. Қоғоз ҳужжат шаклидаги ЭРИ калити сертификатини расмийлаштириш ва ЭРИ ёпиқ калити эгасига бериш ёки асосланган сабабларга кўра рад этиш. |
|
20 дақиқа ичида
|
|
|
|
|
|
»;
|
п) Қуйидаги мазмундаги 1а-илова қўшилсин:
«Давлат хизматлари марказлари ёки онлайн тарзда (масофадан туриб) расмий ахборот ресурслари
орқали электрон рақамли имзо калитини рўйхатга олиш ва электрон рақамли имзо калитининг
сертификатини бериш бўйича давлат хизматлари кўрсатишнинг маъмурий регламентига
1а-ИЛОВА
ЯГОНА ПОРТАЛ ЁКИ РАСМИЙ АХБОРОТ РЕСУРСИ ОРҚАЛИ ДАВЛАТ ВА ХЎЖАЛИК БОШҚАРУВИ ОРГАНЛАРИ, МАҲАЛЛИЙ ДАВЛАТ ҲОКИМИЯТИ ОРГАНЛАРИ ҲАМДА ТИЖОРАТ БАНКЛАРИ ТОМОНИДАН КЎРСАТИЛАДИГАН БАРЧА ТУРДАГИ ХИЗМАТЛАРДАН ЭРКИН ФОЙДАЛАНИШНИ ТАЪМИНЛАЙДИГАН ЭЛЕКТРОН РАҚАМЛИ ИМЗО КАЛИТИНИНГ СЕРТИФИКАТИНИ БЕРИШ БЎЙИЧА ДАВЛАТ ХИЗМАТЛАРИНИ КЎРСАТИШ
СХЕМАСИ
|
Босқичлар
|
|
Субъектлар
|
|
Тадбирлар
|
|
Бажариш муддати
|
|
|
|
|
|
|
|
|
|
|
|
1-босқич
|
|
Мурожаат қилувчи
|
|
1. ЭРИ калити сертификатини олиш учун сўровномани ва унга илова қилинадиган ҳужжатларни Ягона портал ёки расмий ахборот ресурси орқали Давлат хизматлари марказига юбориш.
|
|
1. Хоҳишига кўра
|
|
|
|
|
|
|
||||
|
|
|
2. Давлат хизматини кўрсатиш учун йиғимни тўлаш.
|
|
2. Мурожаат қилинганда
|
|
||
|
|
|
|
|
|
|
|
|
|
2-босқич
|
|
Давлат хизматлари маркази
|
|
1. Сўровноманинг тўлиқлиги ва тўғрилигини ҳамда мурожаат қилувчининг шахсини масофадан туриб аниқлаш. 2. Мурожаат этувчи номидан сўровномани тўлдириш ва унга илова қилинган ҳужжатлар билан биргаликда ваколатли органга юбориш. |
|
1 иш куни ичида
|
|
|
|
|
|
|
||||
|
|
|
|
|
|
|
|
|
|
3-босқич
|
|
Ваколатли орган
|
|
1. Тақдим этилган маълумотларни кўриб чиқиш. 2. ЭРИ калитларини рўйхатга олиш ва ЭРИ сертификатини расмийлаштириш ёки рад этиш хабарномасини тайёрлаш. 3. ЭРИ калити сертификатини реестрга киритиш ва смс-хабар шаклида ЭРИ сертификатини олинганлигини тасдиқлаш тўғрисида ахборот жўнатиш. 4. Расмийлаштирилган ЭРИ калити сертификатини ёки асосланган сабабларга кўра рад этиш хабарномасини Давлат хизматлари марказига ва мурожаат қилувчига юбориш. |
|
Автоматик тарзда
|
|
|
|
|
|
|
||||
|
|
|
|
|
|
|
|
|
|
4-босқич
|
|
Мурожаат қилувчи
|
|
1. Ягона портал ёки расмий ахборот ресурсидаги шахсий кабинетдан ЭРИ калити сертификатини ёки асосланган сабабларга кўра рад этиш хабарномасини олиш ва олинганлигини тасдиқлаш. 2. ЭРИ калитининг сертификатини ҳамда чоп этишга мўлжалланган электрон ҳужжат шаклидаги нусхасини юклаб олганлиги ҳақида тасдиқлаган ҳолда ваколатли органни хабардор қилиш. |
|
1 соат ичида
|
»;
|
|
|
|
|
р) 2-илованинг 2-2-2-бандидаги «изоҳ» қисмига қуйидаги мазмундаги иккинчи хатбоши қўшилсин:
«ЭРИ калити сертификати Ягона портал ёки расмий ахборот ресурси орқали олинганда, мурожаат қилувчининг паспорти (ID-карта) нусхаси ҳамда паспортнинг асосий саҳифаси (ID-карта) билан биргаликда «селфи» усулида олинган фотосурат нусхаси илова қилинади».
*Ушбу қарор Қонун ҳужжатлари маълумотлари миллий базасида (lex.uz) эълон қилинган ва 7.12.2020 йилдан кучга кирди.