Norma.uz
СБХ / 2018 йил / № 34 / Солиқ солиш

Импорт чоғида ҚҚС бўйича имтиёз

 

Корхона банкдан хорижий валютада кредит олиб, ўз эҳтиёжлари учун Хитойдан асбоб-ускуна сотиб олиб келмоқчи. Асбоб-ускуна олиб кираётганда 20% ҚҚС тўлашимиз керакми?

 

– Ўзбекистон ҳудудига тасдиқланган Рўйхат (АВ томонидан 20.03.2013 йилда 2436-сон билан рўйхатдан ўтказилган) бўйича олиб кирилаётган янги технологик асбоб-ускуналар, шунингдек бутловчи буюмлар ва эҳтиёт қисмлар, агар уларни етказиб бериш технологик асбоб-ускуналарни етказиб бериш контракти шартларида назарда тутилган бўлса, божхона тўловларини (импорт қилинадиган товарлар бўйича ҚҚС, импорт божхона божи) тўлашдан озод қилинади (Солиқ кодексининг 211-моддаси 7-банди; БКнинг 297-моддаси 2-қисми 13-банди).

«Эркин муомалага чиқариш» режимида божхонада расмийлаштирилган пайтга келиб ишлаб чиқарилганига 3 йилдан ошмаган асбоб-ускуна янги технологик асбоб-ускуналар сирасига киради.

Олиб кириладиган технологик асбоб-ускуна ишлаб чиқарилган йилни тасдиқлаш учун тайёрлов заводининг у ишлаб чиқарилган йилни тасдиқловчи техпаспорти ёки тайёрловчининг ишлаб чиқарган асбоб-ускуна тўғрисидаги тегишли ахборотини, шу жумладан ишлаб чиқарилган йилини ўз ичига олган ҳужжати тақдим этилади.

Асбоб-ускунангиз Рўйхатга киритилган ва у ишлаб чиқарилган кундан бошлаб 3 йилдан кўп вақт ўтмаганлиги далилини тасдиқловчи ҳужжатлар мавжуд бўлса, имтиёздан фойдалана оласиз.

Рўйхат технологик асбоб-ускуналарни олиб киришда импорт божхона божи ва ҚҚСни тўлаш бўйича имтиёзларни қўллаш мақсадида тасдиқланганлигини инобатга олиш лозим. Бироқ асбоб-ускунангиз унга киритилганлиги далилининг ўзи ЯСТ бўйича имтиёзни ҳисоблаш чоғида уни технологик асбоб-ускуналар тоифасига киритиш ҳуқуқини беради.

 

Жавобни «Norma» МЧЖ экспертлари тайёрладилар.

 

 

Прочитано: 1286 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика