Norma.uz

Жамоат транспортида видеорегистратор мажбурий ўрнатилиши мумкин

 

ҚҲТБТ порталида Вазирлар Маҳкамасининг «Йўл ҳаракати хавфсизлиги соҳасидаги ҳуқуқбузарликларга қарши курашиш самарадорлигини оширишга доир қўшимча чора-тадбирлар тўғрисида»ги қарори лойиҳаси муҳокама қилиш учун жойлаштирилган.

 

Ҳужжатда қайд этилишича, мамлакатимизда видеорегистраторлар ишлаб чиқаришни маҳаллийлаштириш 2017 йилда якунланди. 2018 йилдан эса уларни ишлаб чиқарувчилар ўз маҳсулотларини ички бозорга тўхтовсиз етказиб бера бошладилар. Шу тариқа, йўл ҳаракати хавфсизлигини таъминлаш учун янги имкониятлар очилди.

Шу сабабли жамоат ва йўловчи транспортининг барча эгаларига (мулкчилик шаклидан қатъи назар) бундай автомобилларда видеорегистраторлар ўрнатиш мажбуриятини юклаш таклиф этилмоқда. ДЙҲХХга берилган ЙҲҚ бузилиши қайд этилган ҳар битта видео учун қоидабузар тўлаган жарима суммасининг камида 5%и тўланади. Бунда ариза берувчининг шахси ошкор этилмайди ва махфий сақланади. Видеони нафақат жамоат транспорти ҳайдовчилари, балки исталган фуқаро жўнатиши мумкин бўлса керак.

Видеоёзувлар объектив бўлишини таъминлаш учун Ахборот коммуникациялари вазирлиги ва Ўзстандарт ўрнатиладиган видеорегистраторларнинг техник регламенти ва стандартларини ишлаб чиқади. Молия вазирлиги ва Марказий банк эса йўловчиларни ташиш билан шуғулланувчи юридик шахсларга бундай ускунани ўрната олишлари учун имтиёзли кредит линияларини таклиф этади.

Лойиҳа ўзгартирилиши, унга қўшимча киритилиши ёки рад этилиши мумкин.

 

Самир Латипов, «Norma» МЧЖ эксперти.

Прочитано: 821 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Агар сиз хато топсангиз, хатоли матндаги жумлани белгиланг ва Ctrl+Enter ни босинг.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2020 г. Все права защищены.
18+   Яндекс.Метрика