Федерал резерв бошқармаси 2013 йилнинг 8 октябридан бошлаб молиявий муассасаларни янги дизайндаги 100 долларлик банкноталар билан таъминлашни бошлади. Банкноталар қалбакилаштиришнинг олдини олиш ҳамда корхона ва мижозларга унинг ҳақиқийлигини аниқлашга кўмаклашиш мақсадида янги хавфсизлик хусусиятлари билан таъминланган.
Янги дизайндаги банкноталарнинг дунё бўйлаб корхоналар ва мижозларга қачон етиб бориши ҳар бир молиявий муассасанинг масофаси, талаби ва сиёсатига боғлиқ.
«Янги дизайнга жойлаштирилган хавфсизлик хусусиятлари уни текширишни осонлаштиради, аммо қалбакилаштиришни қийинлаштиради,» деди Федерал резерв бошқарув кенгаши аъзоси Жероме Х.Повелл. «Янги банкнота кундалик ўтказмаларда қатнаша бошлагач, фойдаланишда қулай бўлган хавфсизлик хусусиятлари туфайли уларнинг ҳақиқийлигини текшириш осон бўлади».
АҚШ Федерал резерв бошқармаси, Молия вазирлиги, Гравировка ва босма бюроси ҳамда АҚШ Махфий хизмати ҳамкорликда қалбакилаштириш хатарларидан холи бўлиш мақсадида янги Федерал резерв банкнотларини қайта ишлаб чиқди.
Янги дизайндаги 100 долларлик банкнотада иккита янги хавфсизлик хусусияти бор: қўнғироқлар расми ва 100 лар туширилган ҳаворанг 3D хавфсизлик тасмаси ҳамда сиёҳдондаги ранги ўзгарадиган қўнғироқ. Янги хусусиятлар билан бирга олдинги дизайндан қолдирилган қўшимча хусусиятлар туфайли янги дизайндаги 100 долларликнинг ҳақиқийлигини осонгина қараб текшириш мумкин.
Дунёдаги барча мижозларимизга эски дизайндаги 100 долларлик банкноталарни янгисига алмаштириш шарт эмас. АҚШ ҳукуматининг сиёсатига кўра, ҳар қандай дизайндаги АҚШ валютаси, қачон чиқарилганидан қатъи назар, қонуний тўлов воситаси бўлиб қолаверади.
Янги дизайндаги 100 долларлик банкнота ҳақида кўпроқ маълумот, тренинг ва ўқув материалларини олиш учун қуйидаги манзилга ташриф буюринг: www.newmoney.gov.
АҚШнинг Ўзбекистондаги
элчихонаси хабари асосида.
