Польшага саёҳат: нима олиб кириш мумкин ва қандай қоидаларга риоя қилиш керак

Қизимнинг оиласи бир неча йилдан буён Польшада яшайди. Унинг эри – экспат, меҳнат шартномаси бўйича ишлайди. Яқинда қизим набирам билан бизникига меҳмонга келди. Қайтиб кетишларида биз бозордан бир қути мева олдик. Яна биз куёвга никоҳ узугини олдик, чунки ўзининг узугини йўқотган эди, шунингдек қизим таваллуд кунини нишонлайдиган польшалик дугонасига совға қилиш учун тиллали сирғалар ҳам сотиб олди. Польшага етиб борганидан кейин қизим аэропортда ноқулайликлар бўлганини ёзди. Улардан мева қутиси олиб қўйилган. Тилла буюмлар бўйича муаммолар юзага келган, уларни ҳатто контрабанда деб расмийлаштирмоқчи бўлишган. Набирам анча асабийлашган. Польша божхоначилари биркали буюмларни (узук ва сирғалар) декларацияда қайд этиш кераклигини айтишган. Узоқ сўраб-суриштириш ва ёзма расмийлаштирувлардан кейин уларни қизимга қайтарганлар. Натижада фарзандларим ўз поездларига кечикканлар, кейингиси 12 соатдан кейин эди, ва уй аҳли серқуёш юртимизнинг меваларидан татиб кўра олмаганлар. Октябрь бошида болаларнинг турмуш қурганликларининг бир йиллигига Польшага бориш режалаштирилган эди, лекин энди бобоси самолётда учишни рад этяпти. Уни кўндира оламанми ёки йўқми, билмайман. Тошкентдан Польшага учганда қандай қоидаларга риоя қилиш керак? Нима олиб кириш мумкин ва бу мамлакатдан совға сифатида қандай маҳсулотлар ва товарларни олиб чиқиш мумкин? Бу ҳақда батафсил ёзсангиз.