Қалбаки ва кўзбўямачилик билан тузилган битимлар аниқланганда қандай солиқ оқибатлари юзага келади
Солиқ органи учун асосийси – битимнинг ҳақиқийлиги. Айтайлик, текшириш пайтида инспекторлар сиздаги мавжуд айрим битимлар аслида мавжуд эмаслигидан шубҳа қилдилар. Улар бирламчи ҳужжатларни, битимларга тегишли активларни ўрганиб чиқдилар, қўлёзмаларнинг экспертизасини ўтказдилар, шунингдек тўловчининг раҳбарлари ва ижрочиларини сўроққа тутдилар. Ҳамма нарса тузилган битимларнинг айримлари қалбаки эканлигини, баъзилари эса кўзбўямачилик билан тузилганлигини кўрсатди. Шуни ёдда тутингки, бу айнан бир нарса эмас.