Кўп ҳолатларда бошқа савол юзага келмоқда: мулкдорлар ўзининг шартномавий мажбуриятларини бажармаётган БК хизматларидан қандай воз кечишлари мумкин? Уй-жой аҳлининг фикрича, хизматлар сифати яхшиланиб қолишига умид қилинган, лекин нархлар кўтарилиб кетганда; компания йиғилиш ўтказмаганда, мулкдорларга ҳисобот бермаганда шундай ҳолат рўй беради. Бироқ, аксинча, БК ўз буюртмачиларидан норози ҳолатлар ҳам бўлиши мумкин. Ахир кўпчилик мулкдорлар хизматлар ҳақини ўз вақтида тўламайдилар, натижада компания шартнома шартларини бузади. Бунда режалаштирилган ишлар барбод бўлиши, БК пудратчиларга, ўз ходимларига тўловларни, коммунал хизматларни етказиб берувчиларга истеъмол қилинган ресурслар учун ҳақ тўлай олмаслиги мумкин. Пировардида эса дебиторлик қарзи ва бошқалар юзага келади. Компания бундай муаммоли уйлардан, аниқроғи, буюртмачилардан воз кечиши мумкинми? Ҳозирча уй-жойларни бошқариш масалаларида бу амалиёт эмас, назария бўлиб қолмоқда. Шунга қарамай, бундай саволлар келгусида ҳам юзага келиши мумкин.
Бошқарувчи компания кўп квартирали уйга хизмат кўрсатишни рад қилиши мумкинми?