Сувдан фойдаланиш ёки сув истеъмоли жойи бўйича солиқ органларига 2021 йил учун сув ресурсларидан фойдаланганлик учун солиқ суммаси тўғрисида маълумотномани тақдим этиш учун барча зарур қийматлар, шу жумладан – ер усти ва ер ости сувларининг нисбати тасдиқланди.
Мўлжалланаётган фойдаланиладиган сув ҳажмини аниқлаган ҳолда жорий йилда ишлаб чиқаришни ривожлантириш режаларини ҳисобга олган ҳолда ўтган йилда фойдаланилган ҳажмлардан келиб чиқинг.
90,5% ва 9,5% – Тошкент шаҳри учун 2021 йилга белгиланган ер усти ва ер ости сувларининг нисбати. Бошқа ҳудудлар учун ушбу параметрларни сиз сув етказиб беришни амалга ошириш учун шартнома тузган ташкилотда ёки сувдан фойдаланиш жойи бўйича солиқ инспекциясида аниқлаштириш зарур.
Солиқ ставкалари СК 445-м. 1-қисми билан тасдиқланган (30.12.2020 йилдаги ЎРҚ-659-сон Қонуннинг 2-м. 31-б.):
|
№
|
Солиқ тўловчилар ва солиқ солиш объекти |
1 куб м учун солиқ ставкаси (сўмда)
|
|
|
Ер усти манбалари
|
Ер ости манбалари
|
||
|
1
|
Иқтисодиётнинг барча тармоқларидаги корхоналар (бундан 2-6-бандларда кўрсатилганлари мустасно), шунингдек якка тартибдаги тадбиркорлар
|
182
|
221
|
|
2
|
Саноат корхоналари
|
472
|
564
|
|
3
|
Электр станциялари ва коммунал хизмат кўрсатиш корхоналари
|
70
|
90
|
|
4
|
Қишлоқ хўжалик ерларини суғориш ва балиқларни ўстириш (етиштириш) учун фойдаланилган сув ҳажми қисми, шу жумладан деҳқон хўжаликлари
|
40
|
40
|
|
5
|
Автотранспорт воситаларини ювиш учун фойдаланиладиган сув ҳажми
|
1 990
|
1 990
|
|
6
|
Алкоголсиз ичимликлар ҳамда пиво ва винодан ташқари алкоголь маҳсулотларини ишлаб чиқариш учун фойдаланиладиган сув ҳажми
|
25 185
|
25 185
|
Шунингдек, ҳисоб-китобларда қуйидаги қоидаларни ҳисобга олиш зарур:
● қишлоқ хўжалик ерларини суғориш ва балиқларни ўстириш (етиштириш) учун фойдаланилган сув ҳажми учун назарда тутилган солиқ ставкаси 0,7 камайтирувчи коэффициентни ҳисобга олган ҳолда, сув ўлчаш ускуналари асосида аниқланадиган, фойдаланилган сув ҳажмига қўлланилади;
● сувдан фойдаланиш учун белгиланган лимитлардан ортиқча сув олинганда, бундай ортиқча қисм бўйича солиқ ставкалари белгиланган солиқ ставкаларининг 5 баравари миқдорида белгиланади;
● сув ресурсларидан рухсат берувчи ҳужжатларсиз фойдаланилганда, шунингдек автотранспорт воситаларини ювишни амалга оширувчи корхоналар томонидан ер усти манбаларидан олинган сувдан фойдаланилганда солиқ ставкаси тасдиқланган солиқ ставкаларининг 5 баравари миқдорида белгиланади (СК 445-м. 2–4-қисмлари).
