С.Жўраева,
корхона раҳбари.
– Юридик шахслар томонидан миллий валютадаги корпоратив банк карталаридан фойдаланиш тартиби тўғрисидаги низомга (АВ томонидан 18.04.2005 йилда 1470-сон билан рўйхатдан ўтказилган) кўра, миллий валютадаги корпоратив банк карталарининг сақловчиларига Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисида низомда (ВМнинг 5.02.1999 йилдаги 54-сон Қарори билан тасдиқланган) назарда тутилган харажатларни тўлаш учун тегишли терминалларга эга бўлган ҳар қандай ташкилотлар ва якка тартибдаги тадбиркорларга нисбатан белгиланган тартибда карталардан фойдаланган ҳолда нақд пулсиз тўловларни амалга оширишга ҳуқуқ берилган.
Корпоратив банк карталаридан фойдаланишда унинг сақловчиси мазкур пул маблағларининг қатъий белгиланган мақсадларга сарфланиши учун масъул ҳисобланади. Яъни у картани сақловчиси уни ҳисобдорликка олган кундан бошлаб 10 кундан кечиктирмаган ҳолда корпоратив банк картаси воситасида ишлатилган суммалар тўғрисида юридик шахснинг бухгалтериясига ҳисобот тақдим этади.
Корхона бензин маҳсулотларининг хариди учун корпоратив банк картасидан фойдаланганда, терминал квитанцияларининг асл нусхалари ҳисобот ҳужжатлари сифатида хизмат қилади.
21-сон БҲМСга биноан бензин маҳсулотларининг ҳисоби 1030-"Ёқилғи" ҳисобварағида юритилади, жумладан, ЁММни ҳисобдан чиқариш қуйидагича амалга оширилади:
|
ЁММни ҳисобга олиш
|
||
|
Хўжалик операциясининг номи
|
дебет
|
кредит
|
|
ЁММга ҳақ тўлаш
|
6010-"Мол етказиб берувчилар ва пудратчиларга тўланадиган счётлар"
|
5110-"Ҳисоб-китоб счёти"
|
|
Йўл варақаларининг маълумотлари бўйича ЁММни ҳисобдан чиқариш
|
2010-"Асосий ишлаб чиқариш", 2310-"Ёрдамчи ишлаб чиқариш", 9410-"Сотиш харажатлари" 9420-"Маъмурий харажатлар"
|
1030-"Ёқилғи"
|
ЁММ харажатларининг меъёри Ўзбекистон Республикаси стандартлаштириш, метрология ва сертификатлаштириш агентлигининг 28.07.2003 йилдаги 05-20-сон Қарори билан тасдиқланган.
Саволингизда автомобиль русумини кўрсатиб ўтмагансиз. Шу туфайли унинг ёқилғини сарфлашга доир хусусиятларини 100 км босилган йўлга сарфланадиган бензин маҳсулотининг ҳажмини аниқлашнинг имкони бўлмади.
Агар сизда автомобиль учун бензин маҳсулотларини ҳисобдан чиқаришда, йўл варақалари ва автомобиль 100 км босилган йўлга тўғри келадиган белгиланган меъёрга мувофиқ сарфланадиган бензин маҳсулотларини ҳисобдан чиқарилишда фарқ аниқланса, ортиқча сарф қилинган бензин махсулоти нархи Солиқ кодексининг 355-моддасига асосан, солиқ солиш мақсадида товарларни (ишларни, хизматларни) ишлаб чиқариш ва реализация қилиш билан боғлиқ бўлмаган операциялардан олинадиган бошқа даромадлар сифатида ягона солиқ тўловининг солиқ солиш объекти ҳисобланади.
«Soliq Kalkulyatori» CМТ мутахассислари тайёрлади.
