«Kreston Tashkent» аудиторлик компанияси аудитори, консалтинг департаменти директори, аудитор
Надежда КОВАЛЕНКО:
– Аудит ўтган асрнинг 90-йилларидан эътиборан ривожлана бошлади. Ўша кезлари маълумотим бўйича иқтисодчи бўлсам-да, бухгалтерлик қилардим. Билимим доирасини кенгайтиришга иштиёқ зўр эди. 1995 йили илк бор аудитор сертификатини олишга муваффақ бўлдим. Бугунги кунда «Kreston Tashkent»да ишлаётирман. Фаолиятимни ўзгартирганимга сира ачинмайман. Ҳозирги ишим анча қизиқарли, ўзимга жуда ёқади. Бизга компаниялар одатда бухгалтерия ҳисоби ва солиқ солиш соҳасида анчагина мураккаб вазиятга рўбарў келиб, муаммо зудлик билан ҳал этилиши талаб қилинадиган кезлари мурожаат этишади. Бунақа ҳолатлар мени чўчитмайди, аксинча, билим, уқув ва тажрибамга таяниб, қонун ҳужжатлари доирасида у ёки бу муаммони тезкорлик билан ҳал этишга чоғим келиши ўзимга ҳам хуш ёқади. Аудитор касби муттасил ўсиб, ривожланиб бориш, янгиликлардан бохабар бўлиш ва уларни ўрганиш, одамлар билан муттасил муомалада бўлиш имкониятини бермоқда. Аёл кишига аудиторлик қилиш заҳмати қандай эканлигини турмуш ўртоғиму болаларим яхши билишади. Тўғри, аввалига уларга аудиторлик текширувлари ўтказилаётганда ишда ушланиб қолишим, уйга иш кўтариб боришим ёқмасди. Ҳар қандай эркак киши рафиқасига мутахассис эмас, энг аввало уй бекаси, болаларининг онаси сифатида қарайди. Вақт ўтиши билан уларда менинг бу йўсин ишлашимга кўникиш ҳосил бўлди шекилли, имкон қадар қўллаб-қувватлайдиган, ёрдам берадиган бўлиб қолдилар.
Мухбиримиз Наталья СПИРИДОНОВА суҳбатлашди.