Norma.uz
Газета СБХ / 2017 год / № 13 / Назорат

Солиқ хронометражи

 

Корхонамиз – АГТҚС. Солиқ инспектори нақд тушум келиб тушишини мониторинг қилиш мақсадида кассамизга вақти-вақти билан келиб туради. Кўпгина ҳужжатлар: фармонлар, қарорлар, низомлар ва бошқалар билан танишиб чиқиб, мониторинг каби солиқ назорати турини топа олмадик.

1. Солиқчилар нақд тушум келиб тушишини мониторинг қилишга ҳақлими?

2. Агар ҳақли бўлсалар, қайси ҳужжатлардан уни ўтказиш тартиби билан танишиб чиқиш мумкин?

М.Усмонов,

бухгалтер.

 

1

Солиқ тўғрисидаги қонун ҳужжатларида мониторинг деган тушунча йўқ. Нақд пул тушумлари келиб тушишини текширишга доир тадбирлар хронометраж деб аталиб, солиқ назорати шаклларидан бири ҳисобланади (Солиқ кодексининг 67-моддаси).

Хронометраж нақд ҳисоб-китоб асосида товарлар реализация қиладиган ёки хизматлар кўрсатадиган солиқ тўловчи ҳузурида бевосита товарлар реализация қилинадиган, хизматлар кўрсатиладиган жойда ўтказилади. Уни солиқ органи ҳақиқатда келиб тушган нақд пул тушумини аниқлаш мақсадида ўтказади.

Солиқ органи раҳбарининг (ёки ўринбосарининг) буйруғи уни ўтказиш учун асос ҳисобланади. Буйруқда хронометраж ўтказиладиган солиқ тўловчи, уни ўтказиш жойи ва муддати, у ўтказиладиган давр, хронометраж ўтказиш тўғрисида қарор қабул қилинишига сабаб бўлган тафовут, шунингдек солиқ органининг уни ўтказадиган мансабдор шахслари албатта кўрсатилади.

Агар солиқ органининг тегишли буйруғига асосан ташкилотингизда нақд пул тушуми келиб тушишининг хронометражини ўтказиш тайинланган бўлса, сиз унинг ўтказилишига тўсқинлик қилишга ҳақли бўлмайсиз.

Хронометраж натижалари юзасидан маълумотнома тузилади. Маълумотноманинг кўчирма нусхаси солиқ тўловчига топширилади. Хронометраж натижаларидан фақат тақдим этилаётган солиқ ҳисоботи тўғрилигини таҳлил этиш учун, шунингдек солиқ солиш объектлари тўғрисидаги маълумотлар базасини юритиш учун фойдаланилади. Хронометраж натижаси солиқ тўловчини жавобгарликка тортиш учун асос бўла олмайди (Солиқ кодексининг 71-моддаси).

 

2

Нақд пул тушуми келиб тушишининг хронометражини ўтказиш тартиби Солиқ кодекси ­(71-модда) ва Низом (АВ томонидан 9.04.2008 йилда 1788-сон билан рўйхатдан ўтказилган) билан белгиланган.

 

Музаффар МИРЗАҒАНИЕВ,

«Norma Online» эксперти.

Прочитано: 1894 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA», зарегистрирован в Узбекском агентстве по печати и информации 01.06.2018г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 78) 150-11-72. Call-центр:1172. E-mail: admin@norma.uz
Копирование материалов сайта без согласования с администрацией ресурса запрещено.
© ООО «NORMA», 2007-2024 г. Все права защищены.
18+   Яндекс.Метрика