Ўғлим 15 ёшда, дам олишга бориши учун биометрик паспорт олди. У ота-онасиз, бувиси билан биргаликда бориш мумкинми? Бунинг учун ота ва онасидан қўшимча ишончномалар керакми?
А.Узоқова.
– Ўзбекистон Республикаси фуқаросининг биометрик паспортини ва 16 ёшга тўлмаган шахслар учун фуқаролиги бўлмаган шахсларнинг ҳаракатланиш ҳужжатини бериш тартиби тўғрисида низомга (ВМнинг 7.07.2011 йилдаги 200-сон Қарорига 1-илова) кўра Ўзбекистон фуқароларининг кириш учун кириш визаларини расмийлаштириш талаб қилинмайдиган МДҲ мамлакатларига чиқишида чет элга чиқиш учун рухсатнома ёзуви стикерини расмийлаштириш талаб қилинмайди.
15 ёшдан 18 ёшгача бўлган фуқаролар ота-оналари, васийлари (ҳомийлари)нинг вояга етмаган шахснинг мустақил равишда чет элга чиқиши учун нотариал тасдиқланган розилиги мавжуд бўлган тақдирда хорижга ҳамроҳларсиз чиқишлари мумкин.
