Norma.uz
Газета СБХ / 2014 год / № 47 / Бевосита мулоқот

Минорали крандан кўринарлироқ

Биз ёрдамчи пудрат усулида қурилиш фаолиятини амалга ошириш учун олди-сотди шартномасига кўра Россияда минорали кран сотиб олдик.

Мазкур харидни бухгалтерия ҳисобида қандай акс эттириш керак?

С.Бердиев,

МЧЖ бухгалтери ёрдамчиси.

 

БОШЛАНҒИЧ ҚИЙМАТ – ШУНЧАКИ ТОВАРДАГИ НАРХНОМА ЭМАС

5-сон БҲМСнинг1 10-бандига биноан ҳақ эвазига сотиб олинган асосий воситалар ҳисоботга бошланғич қиймати бўйича қабул қилинади. Мазкур Стандартнинг 11-бандига мувофиқ унинг таркиби қуйидаги харажатлардан ташкил топади:

а) активларни етказиб берувчиларга тўланадиган суммалар;

б) асосий воситалар объектига доир ҳуқуқни сотиб олиш (олиш) муносабати билан амалга оширилган рўйхатдан ўтказиш йиғимлари, давлат божлари ва бошқа шунга ўхшаш тўловлар;

в) божхона божлари ва йиғимлари;

г) асосий воситалар объектларини сотиб олиш (барпо қилиш) муносабати билан солиқлар ва йиғимлар суммалари (агар улар қопланмаса);

д) асосий воситалар объектларини сотиб олиш (барпо қилиш) билан боғлиқ ахборий ва маслаҳат хизматлари учун тўланган суммалар;

е) асосий воситалар объектларини етказиб бериш (барпо қилиш) хатарини суғурталаш бўйича харажатлар;

ж) асосий воситалар объектини сотган воситачиларга тўланадиган ҳақлар;

з) асосий воситаларни ўрнатиш, монтаж қилиш, созлаш ва ишга туширишга оид харажатлар;

и) активдан мўлжал бўйича фойдаланиш учун уни ишчи ҳолатга келтириш билан бевосита боғлиқ бошқа харажатлар.

Кредитдан фойдаланганлик учун фоизларни тўлашга доир харажатлар қарзга олинган сармоя ҳисобидан буткул ёки қисман сотиб олинган асосий воситаларнинг бошланғич қийматига киритилмайди.

 

ХОРИЖИЙ ВАЛЮТАДАН – СЎМГА

Харид қилиш чоғида қиймати хорижий валютада ифодаланган асосий воситаларнинг бошланғич қиймати божхона юк декларациясини тўлдириш санасидаги ЎзР Марказий банки курси бўйича суммани хорижий валютада ҳисоблаб ўтказиш йўли билан сўмда юқорида санаб ўтилган харажатларни қўшган ҳолда белгиланади (5-сон БҲМСнинг 13-банди).

Шунингдек четдан келтирилаётган асосий воситаларнинг харид қийматини аниқлашда ҳам Чет эл валютасидаги операцияларнинг бухгалтерия ҳисобида акс эттириш тартиби тўғрисида низомга2 амал қилиш керак бўлади, унга кўра харид қиймати қуйидаги формула бўйича аниқланади:

С = Шқ + Т + Бх.,

бу ерда

С – четдан келтирилган активларнинг харид қиймати;

Шқ – божхона юк декларациясини тўлдириш санасидаги Марказий банк курси бўйича ҳисобланган уларнинг шартнома қиймати;

Т – божхона тўловлари. Ўзининг эҳтиёжлари учун четдан келтирилган асосий воситалар ва номоддий активлар ҳисобда бошланғич қиймати бўйича ҚҚС суммасини қўшган ҳолда акс эттирилади;

Бх – четдан келтирилган активларни сотиб олиш билан боғлиқ бўлган бошқа харажатлар. Улар Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисида низомнинг3 1.1.12-бандига ва 5-сон БҲМСга мувофиқ шакллантирилади.

ҲИСОБ ЮРИТИШ – МУҲИМ ИШ

Сизнинг ҳолатингизда қурилиш минорали кранини монтажни талаб қилувчи ҳамда фақатгина унинг қисмлари йиғилгандан кейин амалга киритилиши мумкин бўлган ўрнатиладиган асбоб-ускунага киритиш керак. Четдан келтириладиган мазкур асосий воситани харид қилиш билан боғлиқ операциялар бухгалтерия ҳисобида қуйидагича акс эттирилади:

 

Хўжалик операциясининг мазмуни

 

Ҳисобварақлар корреспонденцияси

 

дебет

 

кредит

 

Олиб кирилган асбоб-ускуна божхона юк декларациясини тўлдириш санасидаги Марказий банк курси бўйича кирим қилинган

 

0720

 

6010

 

Асбоб-ускунанинг қийматига турли хил қўшимча ишлаб чиқариш хизматлари киритилган

 

0720

 

2310

 

Асбоб-ускунани етказиб бериш ва сақлаш билан боғлиқ бўлган иш учун иш ҳақи ҳисобланган

 

0720

 

6710

 

Асбоб-ускунани харид қилишда ҳисобланган иш ҳақи бўйича давлат мақсадли жамғармаларига тўловлар амалга оширилган

 

0720

 

6520

 

Асбоб-ускунани харид қилиш, етказиб бериш ва сақлаш билан боғлиқ бўлган турли харажатлар ҳисобдор шахслар томонидан тўланган

 

0720

 

4220–4290;

6970

Четдан келтирилганда юзага келадиган ва белгиланган тартибда харид қийматига киритиладиган божхона тўловлари ва бошқа харажатлар суммаси акс эттирилган

 

0720

 

6990

 

Асбоб-ускуна ўрнатиш учун монтажга топширилган (монтажга тайёргарлик кўриш бошланган пайтдан)

 

0820

 

0720

 

Асбоб-ускунани монтаж қилишда фойдаланиладиган асосий воситаларнинг эскириши харажатларга киритилган

 

0820

 

0200

 

Қурилиш ва бошқа материаллар монтаж қилинганда ишлатилган қиймат харажатларга киритилган

 

0820

 

1010–1090

 

Монтаж вақтида у томондан кўрсатилган қўшимча ишлаб чиқариш хизматлари ҳисобдан чиқарилган

 

0820

 

2310

 

Монтажчилар ва пудратчиларга монтаж вақтида улар томонидан кўрсатилган ишлар ва хизматлар учун қарздорлик акс эттирилган

 

0820

 

6010; 6990

 

Келгуси даврлар харажатларининг тегишли қисми монтаж бўйича харажатларга киритилган

 

0820

 

3100

 

Монтаж вақтида банд бўлган ходимларга меҳнат ҳақи ва мақсадли жамғармаларга тўловлар бўйича турли суммалар ҳисобланган

 

0820

 

6710; 6520

 

Ҳисобдор шахсларнинг улар томонидан монтаж вақтида амалга оширилган харажатлар бўйича қарздорлиги ҳисобдан чиқарилди

 

0820

 

4220–4290;

6970

Асосий воситалар объекти унинг харид қилиниши ва монтаж қилиниши натижасида бошланғич қиймати бўйича фойдаланишга топширилди

 

0130

 

0820

 

 

1«Асосий воситалар» (молия вазирининг АВ томонидан 20.01.2004 йилда 1299-сон билан рўйхатдан ўтказилган буйруғи билан тасдиқланган).

2МВ, ИВ, ДСҚ, МБ бошқаруви ва Давстатқўмнинг АВ томонидан 17.09.2004 йилда 1411-сон билан рўйхатдан ўтказилган қарори билан тасдиқланган.

3ВМнинг 5.02.1999 йилдаги 54-сон Қарори билан тасдиқланган.

Ирина АХМЕТОВА,

экспертимиз.

Прочитано: 840 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика