Norma.uz
Газета СБХ / 2014 год / № 35 / Қонунбузарликлар фош этилди

«Маҳси»лари тиллодан

Тошкент вилояти божхона бошқармаси «Ғишткўприк» божхона комплекси ходимлари ҳуқуқни муҳофаза қилувчи бошқа идоралар вакиллари билан ҳамкорликда тилла буюмларнинг ноқонуний олиб ўтилиши билан боғлиқ бир нечта қонунбузарлик ҳолатларига чек қўйишди.

 

Чегара ҳудудида пиёда келаётган Х.Х.нинг безовталаниши зийрак божхоначиларда шубҳа уйғотди. Ушбу шахс холислар иштирокида шахсий кўрикдан ўтказилганда, унинг оёғидаги маҳси ичига целлофан халтача яширилгани аниқланди. Шу тариқа Х.Х. қиймати салкам 7,4 млн сўмлик 73,47 грамм тилла тақинчоқларни ҳеч қандай ҳужжатларсиз, ноқонуний равишда олиб ўтишга урингани фош бўлди.

Қўшни давлатдан пиёда кириб келаётган Д.М.нинг ҳам ўзини тутиши Тошкент вилояти божхона бошқармаси ходимларини бефарқ қолдирмади: ушбу шахс шахсий кўрикдан ўтказилганда, унинг қўл сумкаси ва кийимлари орасига 22 дона заргарлик буюмлари яширилгани маълум бўлди. Салкам 14 млн сўмлик тилла тақинчоқларнинг оғирлиги 125,74 граммни ташкил қилди.

Мазкур постда фарғоналик У.А.нинг ҳам қинғир режалари барбод бўлди. Ўрнатилган тартибда шахсий кўрикдан ўтказилган бу шахснинг қиймати салкам 5 млн сўмлик 43,64 грамм оғирликдаги тилла буюмларни божхона баённомасида қайд этишни «унутиб» қўйгани аниқланди.

Ушбу чегара божхона комплекси орқали божхона чегарасини кесиб ўтиш вақтида Т-6 божхона баённомасида ва божхона ходимларининг оғзаки сўрови пайтида маълум қилмагани учун нукуслик А.А. ҳам 197,54 граммлик заргарлик буюмларидан ажралишга мажбур бўлди. Қарангки, у қиймати салкам 20 млн сўмлик 64 турдаги тақинчоқларни кийимлари орасига беркитган экан.

Ҳозирда ушбу ҳолатлар юзасидан божхона суриштирувлари бошлаб юборилган.

Эслатиб ўтамиз, Жисмоний шахслар томонидан Ўзбекистон Республикаси ҳудудига акциз солиғи солинмайдиган товарларни олиб киришнинг чегараланган меъёрларига мувофиқ жисмоний шахсларга мамлакатимизга кираётганда акциз солиғини тўламасдан умумий оғирлиги 30 граммдан ошмайдиган қимматбаҳо металлар ва қимматбаҳо тошлардан ясалган 5 та заргарлик буюмини олиб киришга рухсат берилади.

Белгиланган меъёрдан ортиқча олиб кирилган тилла буюмлар учун эса ўрнатилган тартибда божхона тўловлари ундирилади.


Тошкент вилояти
божхона бошқармаси
Ахборот хизмати.

Прочитано: 671 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика