Norma.uz
Газета СБХ / 2014 год / № 35 / Солиқ солиш

Қўшимча фойда солиғи қандай ҳисобланади?

«Бекободцемент» ОАЖ билан назорат қилувчи солиқ органлари ўртасида қўшимча фойда солиғини ҳисоблаб чиқариш учун солиқ солинадиган базани аниқлаш масаласи юзасидан ихтилоф чиқди. Қуйидаги кўрсаткичлардан келиб чиқиб ушбу солиқни ҳисоб-китоб қилиб берсангиз.

Ҳисобот ойи мобайнида жамият цементни турли нархларда реализация қилди. Чунончи, 10 тонна цементнинг тоннаси 100 минг сўмдан, 20 тоннаси эса – 200 минг сўмдан сотилди. Бир ой ичида жами 30 тонна цемент 5 000 минг сўмга реализация қилинди. Цементнинг ҳисоб-китоб нархи 1 тонна учун 105 минг сўмни ташкил қилади.

Қуйида келтирилган мисолларнинг қайси бирида солиқ солинадиган қўшимча фойда тўғри ҳисобланган:

1) (20 тонна х 200 минг сўм) – (20 тонна х 105 минг сўм) = 1 900 минг сўм;

2) (10 тонна х 100 минг сўм) + (20 тонна х 200 минг сўм) – (30 тонна х 105 минг сўм) = 1 850 минг сўм?

Қўшимча фойда солиғи бўйича солиқ солинадиган базани аниқлаш учун реализациянинг қандай ҳажми олинади: 20 тоннами ёки 30 тонна?

А.Эргашев,

«Бекободцемент» ОАЖнинг иқтисодиёт бўйича директори.

 

 

– Солиқ кодексининг (СК) 248-моддасига кўра қўшимча фойда солиғи тўловчилар айрим фойдали қазилмаларни (фойдали компонентларни) кавлаб олишни (ажратиб олишни) амалга оширувчи ер қаъридан фойдаланувчилардир. Қўшимча фойда суммаси билан қўшимча фойда қисмига тўғри келадиган соф тушумдан ҳисоблаб чиқарилган солиқ ва бошқа мажбурий тўловлар суммаси ўртасидаги фарқ сифатида аниқланадиган соф қўшимча фойда ушбу тўловни ҳисоблаб чиқариш учун солиқ солинадиган база саналади (СКнинг 250-моддаси).

СКнинг 251-моддасига кўра, қўшимча фойда солиғи солинадиган фойдали қазилмалар ва маҳсулот турлари рўйхати, шунингдек солиқни ҳисоблаб чиқариш ҳамда тўлаш тартиби қонун ҳужжатлари билан белгиланади. Мазкур моддага асосан Цементга ва клинкерга қўшимча фойда солиғини ҳисоблаб чиқариш ва бюджетга тўлаш тартиби тўғрисида низом (МВ ва ДСҚнинг АВ томонидан 24.02.2009 йилда 1908-сон билан рўйхатдан ўтказилган қарори билан тасдиқланган) ишлаб чиқилган. Унинг VI бўлимига кўра солиқ ва ҳисобот даври бўлиб ой ҳисобланади.

Цементга қўшимча фойда солиғи ҳисоб-китобида (Низомга 1-илова) кўрсатилишича, унинг солиқ солинадиган базаси цементнинг реализация қилинган суммасидан келиб чиқиб аниқланади, ушбу сумма реализация қилинган цементнинг бутун ҳажмига ҳисобланади. Ушбу меъёрлардан келиб чиқиб қўшимча фойда солиғи бўйича солиқ солинадиган базани қуйидаги тартибда ҳисоблашингиз керак:

(10 тонна х 100 минг сўм) + (20 тонна х 200 минг сўм) – (30 тонна х 105 минг сўм) = 1 850 минг сўм.

 

ЦЕМЕНТГА ҚЎШИМЧА ФОЙДА СОЛИҒИ

ҲИСОБ-КИТОБИ

 

 

Кўрсаткичлар

 

Сатр коди

 

Ўлчов
бирлиги

 

Суммаси

 

Реализация қилинган цемент ҳажми

 

010

 

тонна

 

30

 

Цементни қопларга қадоқлаш харажатлари (қоплар қиймати қўшилган ҳолда) ва ҚҚС чегириб ташланган ҳолда барча ҳажмга реализация қилиш суммаси

 

020

 

минг сўм

 

5 000

 

1 тонна цементнинг ҳисоб-китоб баҳоси

 

030

 

сўм

 

105 000

 

Реализация қилинган цементнинг барча ҳажми ҳисоб-китоб баҳоси

(010-сатр х 030-сатр)

040

 

минг сўм

 

3 150

 

Барча ҳажмга қўшимча фойданинг жами суммаси

(020-сатр – 040-сатр)

050

 

минг сўм

 

1 850

 

Бюджетдан ташқари Пенсия жамғармаси, Республика йўл жамғармаси ва бюджетдан ташқари Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмалар, жами ____%лик ставкада: (050-сатр х ___%)

 

060

 

минг сўм

 

 

Солиқ солинадиган база (050-сатр –
060-сатр)

 

070

 

минг сўм

 

1 850

 

Қўшимча фойда солиғининг белгиланган ставкаси

 

080

 

%

 

50

 

Бюджетга тўланадиган қўшимча фойда солиғи суммаси

(070-сатр х 080-сатр)

090

 

минг сўм

 

925

 

 

 

Мурод МУҲАММАДЖОНОВ,

«Soliq kalkulyatori» СМТ солиқ маслаҳатчиси. 

Прочитано: 1238 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика