Давлат божхона қўмитаси ўзининг www.customs.track.uz сайтининг янгиланган версиясини ишга туширди. Унда янги, кўпдан бери кутилаётган интерфаол хизмат пайдо бўлди, у туфайли Ўзбекистонга келаётган ёки ундан чиқиб кетаётган жисмоний шахслар Т-6 шаклидаги божхона декларацияси бланкаларини чиқариб олиш ва уларни компьютер ёки ноутбукда исталган вақтда ва қулай жойда – иш жойи, офис ҳамда уйда тўлдириш имкониятига эга бўлдилар. Уларни қоғозга чиқариш ва қўлда тўлдириш мумкин. Бу чегара орқали ўтказиш пунктида декларация тўлдиришга сарфланадиган вақтни тежайди.
Энди фуқароларнинг Т-6 шаклини тўлдириш ва керакли тилдаги бланкани излаш учун навбат кутишларига тўғри келмайди.
Маълумот учун! Бланкани расмийлаштириш олдидан Т-6 шаклидаги божхона декларациясини тўлдириш ва расмийлаштириш тартиби тўғрисидаги йўриқнома (АВ томонидан 23.04.2004 йилда 1342-сон билан рўйхатдан ўтказилган) билан албатта танишиб чиқинг.
Декларацияни PDF бичимида чиқариб олиб, зарур ахборотни киритинг ва уни диққат билан текширинг. Шундан кейин бланкаларни А5 бичимидаги (21 х 15 см) қоғозда иккала томонини икки нусхада қоғозга чиқариш лозим, чегара орқали ўтказиш божхона постига бораётганда уларни ўзингиз билан олишни унутманг.
«Божхона» бўлимини махсус мухбиримиз
Гулнора АБДУНАЗАРОВА олиб боради.
