Norma.uz
Газета СБХ / 2014 год / № 17 / Мутахассис жавоб беради

Норезидент қарзларимиздан воз кечди

Ташкилотимиз 2010 йилда ускунани импорт қилди. Италия компанияси билан 282 000 еврога контракт тузилди. Конвертациялашнинг боришига қараб унинг қийматини қисман, 130 000 еврода тўладик. Контрактда шефмонтаж ва ишга тушириш-созлаш бўйича 1 580 евроли хизматлар назарда тутилган. Ҳозирги пайтда хорижий компания билан қўшимча битим тузилган, унга кўра 152 000 евродаги қарз қолдиғини хорижий компания бизга текинга беради. Корхонамиз ягона солиқ тўлови тўловчиси ҳисобланади ва текинга олинган ускуна қийматига бизда ЯСТ бўйича мажбурият юзага келади.

Агар қарз қолдиғига биз ҳақ тўламасак, хорижий ҳамкорлар эса уларни текинга берган бўлса, хизматлар импортига ҚҚС тўлашимиз керакми?

 

– Солиқ кодексининг (СК) 349-моддаси ягона солиқ тўло­ви тўловчиларининг Ўзбеки­стон Республикасининг норе­зидент­лари томонидан бажариладиган (кўрсатиладиган) ишлар (хизматлар) бўйича ҚҚС тўлаш мажбуриятини сақ­лай­ди.

СКнинг 200-моддасига кў­ра:

солиқ тўловчининг товарларни (ишларни, хизматларни) реа­лизация қилиш обороти солиқ солинадиган оборотдир;

Ўзбекистон норезиденти Ўз­бекистон резидентига нисбатан бажарадиган ва кўр­сатадиган ишлар ва хизматлар СКнинг 207-моддаси билан белгиланган тартибда кўрсатилган ишлар, хизматларни олувчининг солиқ солинадиган оборотига киритилади.

СКнинг 22-моддасида шу жумладан текинга ишларни бажариш, хизматларни кўрсатиш ҳам реализация деб эътироф этилади.

СКнинг 207-моддасига муво­фиқ:

Ўзбекистон норезиденти томонидан тақдим этилган ишлар, хизматлар, агар уларнинг реализация қилиш жойи Ўзбекистон бўл­са, ишларни, хизматларни олувчи Ўзбекистон солиқ тўлов­чисининг солиқ солинадиган оборотидир;

ишлар, хизматларни олувчида солиқ солинадиган база Ўзбекистондаги манбалардан олинган даромад бў­йича тўлов манбаида ушлаб қолиниши лозим бўлган солиқ суммаси чегириб ташланмаган ҳолда белгиланади. Импорт бўйича олинган ускунани шефмонтаж қилиш ва ишга тушириш-созлаш хизматларини реализация қилиш жойи бўлиб, СК 202-моддаси учинчи қисмининг 2-бандига кўра, Ўзбекистон ҳисобланади.

Баён этилганларни ҳисобга олганда, корхонангизга норезидент томонидан текинга хизматлар кўрсатилганда солиқ солинадиган оборот мавжуд ва сизда қўшилган қиймат солиғини тўлаш мажбурияти юзага келади. ҚҚС бўйича ҳисоб-китобни тақдим этиш тартиби СКнинг 225-моддаси билан белгиланган, Ўзбекистон Республикаси норезидентларидан олинган ишлар, хизматлар бўйича қўшилган қиймат солиғи ҳисоб-китоби шакли эса МВ ва ДСҚнинг қарори (АВ томонидан 22.03.2013 йилда 2439-сон билан рўйхатдан ўтказилган) билан тасдиқланган.

 

Валерий ЛИ,

Молия вазирлиги Солиқ ва божхона тарифи сиёсати бошқармасининг бўлим бошлиғи.

Прочитано: 738 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика