Norma.uz
Газета СБХ / 2014 год / № 17 / Солиқ солиш

Сизнинг рақамингиз, ҳамкасб

Солиқ кодексининг 186-моддасига кўра, йил мобайнида асосий иш (хизмат, ўқиш) жойи ўзгарган тақдирда, жисмоний шахс жорий йилда ўзига тўланган даромадлар ва ушлаб қолинган жисмоний шахслардан олинадиган даромад солиғи суммалари тўғрисидаги маълумотномани бухгалтерия­га дастлабки иш ҳақи ҳисоблангунига қадар тақдим этиши шарт. Маълумотнома ёки солиқ тўловчининг идентификация рақами тақдим этилмаган тақдирда, ЖШДС белгиланган энг юқори ставка бўйича ушлаб қолинади. Маълумотнома ёки СТИР кейинчалик тақдим этилган тақдирда, солиқ суммаси илгариги асосий иш (хизмат, ўқиш) жойида олинган даромадлар инобатга олинган ҳолда қайта ҳисоб-китоб қилинади.

Ходим 2008 йил ўртасида ташкилотдаги ишга қабул қилинди, илгариги иш жойидан даромадлар тўғрисида маълумотномани тақдим этди, бироқ СТИР берилганлиги тўғрисидаги гувоҳноманинг нусхасини тақдим этмади. Бундай вазиятда СТИР берилганлиги тўғрисида маълумотларнинг йўқлиги жисмоний шахслардан даромад солиғини энг юқори ставкада ушлаш учун асос ҳисобланадими?

Е.Тазетдинова.

 

– Солиқ кодексининг (СК) 78-моддасига кўра, солиқ тўлов­чининг идентификация рақами (СТИР) юридик ва жисмоний шахслар томонидан тузиладиган меҳнат шартномаларида албатта ёзиб қўйилади. Яъни меҳнат шартномасини тузиш чоғидаёқ ходим унга яшаш жойидаги ДСИда бериладиган СТИРни тақдим этиши керак.

Йил мобайнида асосий иш жойи ўзгарган тақдирда, жисмоний шахс жорий йилда ўзига тўланган даромадлар ва улардан ушлаб қолинган солиқ суммалари тўғрисидаги маълу­мотномани янги асосий иш жо­йидаги бухгалтерияга дастлабки иш ҳақи ҳисоблангунига қадар тақдим этиши шарт (СКнинг 186-моддаси). У МВ ва ДСҚнинг АВ томонидан 22.03.2013 йилда 2439-сон билан рўйхатдан ўтказилган қа­рори билан тасдиқланган шакл­да тақдим этилади. 2008 йилда у МВ ва ДСҚнинг АВ томонидан 21.01.2008 йилда 1760-сон билан рўйхатдан ўтказилган қа­рори билан тасдиқланган шакл­да берилган. Маълумотномада, ходим тўғрисидаги асосий маълумотлардан ташқари, унинг СТИРи кўрсатилади.

Агар ходим унинг йил бошидан олган даромадлари ва улардан ушланган солиқларни тасдиқлайдиган маълумотномани тақдим этса, ЖШДС унинг календарь йил бошидан илгариги ва янги асосий иш жойи бўйича олинган жами даромадидан белгиланган шкала бўйича (йил бошидан ортиб борувчи якун билан) ҳисобланади.

Шуни эслатиб ўтамизки, солиқ органи солиқ даври тугаганидан кейин 5 йил ичида солиқларни ҳисоблаши ёки ҳисобланган суммани қайта кўриб чиқиши мумкин (СКнинг 38-моддаси). Сизнинг ҳолатингиз 2008 йилга тааллуқли бўлганлиги боис солиқ мажбурияти бўйича даъво муддати тугаган, 2008 йил учун ЖШДС қайта ҳисобланмайди.

Шундай бўлса-да, бухгалтерия ҳам, кадрлар бўлими ҳам барча ходимларнинг СТИРига эга бўлиши лозим. Бугунги кунда у кўп маълумотларни тақдим этиш чоғида, масалан, банк пластик карточкасини расмийлаштириш, жисмоний шахснинг депозит ҳисобварағини очиш ва бошқа ҳолларда албатта кўрсатилиши керак.

 

Ноила МУҚМИНОВА,

экспертимиз.

Прочитано: 746 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика