Norma.uz

Ишдан бўшаш ўрнига аризани қайтариб олди

Агар ишдан бўшатиш тўғрисидаги ариза журналда рўйхатдан ўтказиб бўлинган бўлса, ходим уни қайтариб олиши мумкинми? Бу ҳолда маъмурият нима қилиши мумкин ва керак?

А.Баҳодирова,

кадрлар хизмати ходими.

Қашқадарё вилояти.

 

– Меҳнат кодекси (МК) 99-моддасининг учинчи қисмида ходимнинг огоҳлантириш муддати давомида меҳнат шартномасини бекор қилиш тўғрисида берган аризасини қайтариб олиш ҳуқуқини кафолатлайдиган меъёр қайд этилган.

Яъни агар ходим бирор-бир сабабларга кўра ишдан бўшаш фикридан қайтса, у ўзининг илгари берган меҳнат шартномасини бекор қилиш тўғрисидаги аризасини чақириб олиш тўғрисида ариза ёзиши керак. Ўзининг рўйхатдан ўтказилган аризасини олишга ҳақи бўлмайди.

Масалан, агар ходим ойнинг 1-кунида у билан меҳнат шартномасини ўз хоҳишига биноан 15-кунда бекор қилишларини сўраб ариза берган бўлса, у берилган аризани ушбу ариза тақдим этилган кундан бошлаб икки ҳафта мобайнида қайтариб олишга ҳақлидир. Агар ходим ойнинг 1-кунида иш берувчи билан меҳнат шартномасини, масалан, 6-кунда бекор қилиш тўғрисида келишиб олган бўлса, у берилган аризани фақат 6-кунгача (6-кун ҳам киради) қайтариб олишга ҳақли бўлади.

Ҳатто агар иш берувчи аввалроқ меҳнат шартномасини бекор қилиш тўғрисида буйруқ чиқарган ёки ишдан бўшаётган ходимнинг лавозимига бошқа мутахассисни таклиф этган бўлса ҳам, у ходимнинг ўз аризасини огоҳлантириш муддати тугашига қадар қайтариб олишини рад этишга ҳақли эмас.

Ленара ХИКМАТОВА,

юрист.

Прочитано: 1060 раз(а)

В этой теме действует премодерация комментариев.
Вы можете оставить свой комментарий.

info!Оставляя свой комментарий на сайте, Вы соглашаетесь с нашими Правилами их размещения.
Гость_
Антибот:

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «NORMA ONLINE», зарегистрирован в Узбекском агентстве по печати и информации 26.02.2016г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел. (998 71) 200-00-90. E-mail: admin@norma.uz
Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «NORMA ONLINE», 2007-2017 г. Все права защищены.
Яндекс.Метрика