Norma.uz
Газета СБХ / 2013 год / № 47 / Божхона

Ўзбекистонга фотосессия учун келганда

Фирмамиз туристик хизматлар бозорига яқинда кириб келди. Мижозларни жалб этиш ниятида кўпчиликка мақбул келадиган йўналишларни шакллантираяпмиз. Экзотика ишқибозлари учун республикада қизиқарли жойларни топаяпмиз. Бўлғуси мижозлар сайтимизга кириб, буюртманомалар берадилар. Ҳозир ижтимоий тармоқларда таассуротларни ­баён қилган ҳолда фотосуратлар ва видеосюжетларни қўйиш жуда урф бўлган. Кўпларни мамлакатга профессионал видео– ва фототехникани олиб кириш масаласи қизиқтиради. Уни олиб ўтиш қоидалари тўғрисида тушунтириш беришингизни хоҳлардик.

К.Комилова.

           – Ўзбекистон қонун ҳуж­жатларида сизни қизиқ­тирадиган техникани олиб киришга доир бирор-бир алоҳида талаблар мавжуд эмас. У умумий қоидаларга бўйсунади. Ўзбекистон божхона чегараси орқали олиб ўтиладиган товарлар, уларга видео-, фототехника ҳам киради, божхона расмийлаштируви ва назоратидан ўтади. Бунинг учун жисмоний шахс Т-6 шаклидаги божхона декларациясини тўлдириш ва расмийлаштириш тартиби тўғрисидаги йўриқномага1 асосан Т-6 шаклидаги божхона декларациясини тўлдириши зарур. Одатда «Ўзбекистон ҳаво йўллари» миллий авиакомпанияси рейсларида декларация бланкалари учиш вақтида тарқатилади, шу сабабли йўловчиларда уларни олдиндан тўлдириш имконияти мавжуд.

Валюта ва валюта бойликлари билан бир қаторда жисмоний шахс Т-6 да ишлаб чиқариш ёки ўзга тижорат фаолияти учун мўлжалланмаган товарлар ва бошқа предметларни, хусусан ўзининг видео– ва фототехникасини кўрсатиши керак. Декларация 5-бандининг «Вақтинча олиб кириладиган (олиб чиқиладиган) товарлар» деб номланган и) кичик бандида эса «Ҳа» жавобли квад­ратга чизиб қўйилиши керак.

Божхона органлари республикага вақтинча олиб кирилган товарлар ҳисобини юритадилар. Чиқишда муаммо юзага келмаслиги учун декларациянинг орқа томонида «Товарлар тўғрисида маълумотлар» 6-бандининг а) кичик бандида олиб кирилаётган предметларнинг фарқловчи аломатлари ва хусусиятларини имкони борича тўлиқ кўрсатишни маслаҳат берамиз (фирма номи, серия рақамлари, ранги, ҳажми ва ҳоказо). Уларни идентификациялаш Т-6 даги товарлар баёни билан таъминланади.

Шахсий эҳтиёжлар учун мўлжалланган ва чет эллик фуқаролар олиб кирадиган товарларнинг вақтинча олиб кирилиши Товарлар ва транспорт воситаларини юк божхона дек­ларацияси расмийлаштирмасдан вақтинчалик четдан олиб келиш (четга олиб чиқиш) қоидаларида2 белгиланади.

«Божхона» бўлимини махсус мухбиримиз

 Гулнора АБДУНАЗАРОВА олиб боради.

 

_____________________________

 

           1ДБҚнинг АВ томонидан 23.04.2004 йилда 1342-сон билан рўйхатдан ўтказилган қарори билан тасдиқланган.

2Вазирлар Маҳкамасининг 13.04.2013 йилдаги «Ўзбекистон Республикасида товарлар ва транспорт воситаларини вақтинчалик четдан олиб келиш (четга олиб чиқиш) шартлари тўғрисида» 106-сон қарорига 2-илова.

 

Прочитано: 730 раз(а)

Если Вы заметили ошибку, выделите фрагмент текста, содержащий ошибку, и нажмите Ctrl+Enter.
Сайт разработан в ООО «Norma Hamkor», зарегистрирован в Узбекском агентстве по печати и информации 24.05.2007г.
Регистрационное свидетельство № 0406.
Адрес: Узбекистан, 100105, г. Ташкент, Мирабадский р-н, ул. Таллимаржон, 1/1.
Тел./факс (998 71) 200-00-90. E-mail: admin@norma.uz

Копирование материалов сайта без согласования с администрацией ресурса запрещено.
Все товары, подлежащие обязательной сертификации, сертифицированы; лицензируемые услуги – лицензированы.
© ООО «Norma Hamkor», 2006-2017 г. Все права защищены.
Яндекс.Метрика